ગુજરાતમાં આરોગ્ય વિભાગ દ્વારા 5975 જગ્યાઓ પર ભરતી પ્રક્રિયાની જાહેરાત કરવામાં આવી છે. રૂપાણી સરકારે પાંચ વર્ષની ઉજવણી નિમિતે આ ભરતી કરવાનો નિર્ણય કર્યો છે. આ ભરતી અલગ અલગ પોસ્ટ પર ભરતી કરવામાં આવશે. જેમાં હેલ્થ ઓફિસર, ફિમેલિ હેલ્થ વર્કર, મલ્ટી પર્પઝ હેલ્થ વર્કર જેવા પદોનો સમાવેશ થાય છે.
શું કહ્યું મુખ્યમંત્રી વિજય રૂપાણીએ?
મુખ્યમંત્રી વિજય રૂપાણીએ જણાવ્યું હતું કે, સરકારના સફળ શાસનની ઉજવણીના ભાગ રૂપે નહીં પરંતુ જનસેવાના હેતુથી આ કરવામાં આવી રહ્યું છે. માટે જ સરકારે તેના માટે 31 હજાર કરોડ રૂપિયાનું બજેટ પણ ફાળવ્યું છે.
કુલ 151 કાર્યક્રમોનું આયોજન
શિક્ષણ ક્ષેત્રે અગ્રેસરતાની થીમના આધાર પર જ્ઞાન શક્તિ દિવસ ઉજવવામાં આવશે. જેમાં કુલ 151 કાર્યક્રમોનું આયોજન કરવામાં આવ્યું છે. મહત્વનું છે કે સરકારના સફળ પાંચ વર્ષ પૂર્ણ થવા પર સરકાર સૌનો સાથે સૌનો વિકાસની થીમ સાથે રાજ્યમાં 1થી 9 ઓગસ્ટ સુધી 18 હજાર સ્થળો પર 15 હજાર કરોડથી વધુ સેવાના કામ કરશે.