બંગાળમાં વરસાદી સિસ્ટમ સક્રિય બનતા વરસાદની શક્યતાઓમાં વધારો થયો છે હવામાન વિભાગે વરસાદને કરી આગાહી
વિરામ બાદ ફરી થશે વરસાદની એન્ટ્રી
બંગાળની ખાડીમાં બની નવી સિસ્ટમ
10 જુલાઈથી વરસાદી માહોલ બનશે
રાજ્યના હવામાન વિભાગે વરસાદની આગાહી કરી છે. ગુજરાતમાં વરસાદ પાછો ખેંચાયા બાદ આ વખતે જોઈએ એવો વરસાદ પડ્યો નથી તો બીજી ખેડૂતોના પાકને ભારે નુકસાન થશે, એવી ભિતિ સેવાઈ રહી હતી.ત્યારે ગુજરાતમાં વરસાદને લઈ સાર સામાચાર સામે આવ્યા છે. હવે ફરી બંગાળમાં વરસાદી સિસ્ટમ સક્રિય બનતા વરસાદની શક્યાતાઓમાં વધારો થયો છે.
10 જુલાઈથી વરસાદી માહોલ બનશે
રાજ્યના હવામાન વિભાગે રાજ્યમાં રવિવારથી જ વરસાદની તીવ્રતા વધશે તેવું જણાવ્યું છે. તો આ તરફ 10 જૂલાથી સમગ્ર ગુજરાતમાં વાદળછાયું વાતાવરણ રહેશ, તેની સાથે દક્ષિણ ગુજરાતમાં પણ 11 થી 13 જૂલાઈ દરમિયાન સારા વરસાદ પડી શકે, તેવું હવામાન વિભાગે જણાવ્યું છે. રાજ્યના ખેડૂતો વરસાદની કાગ ડોળે રાહ જોઈને બેઠા હતા ત્યારે હવામાન વિભાગે ખેડૂતો માટે રાહતના સમાચારા આપ્યા છે.
રાજ્યમાં ફરીથી મેઘ મહેરની આગાહી
ખેતી માટે ખેડૂતોએ વરસાદ પર નિર્ભર રહેવું પડતું હોય છે. રાજ્યમાં ખેતી આધારી પાકને સિંચાઈ માટે વરસાદ પર આધાર રાખવો પડતો હોય છે, પરતું આ વખતે વરસાદ પાછો ખેંચાતા ખેડૂતોએ વાવણી કરેલો પાકને પૂરતું પાણી ન મળે તો પાક સુકાઈ જવાની ભિતિ સેવાઈ રહી હતી. એવામાં વરસાદ પણ લાંબા સમયથી દસ્તક ન દેતા ખેડૂતોની ચિંતામાં વધારો થયો હતો.
નવી સિસ્ટમથી ગુજરાતમાં વરસાદની આગાહી
હવે બંગાળની ખાડીમાં લો પ્રેશર સક્રિય થયું છે, જેને લઈ હવે ખેડૂતો માટે વરસાદની શક્યતાઓ વધું જોવાઈ રહી છે. આ તરફ સૌરાષ્ટ્રમાં પણ 12 અને 13 જૂલાઈએ હળવાથી મધ્યમ વરસાદ વરસી શકે છે. તેમજ મધ્ય અને ઉત્તર ગુજરાતમાં પણ વરસાદી ઝપટા પડવાની સંભાવના સેવવામાં આવી રહી છે. મહત્વનું છે કે બંગાળની ખાડીમાં નવી સિસ્ટમ સક્રિય થતા હવે વરસાદની આગાહી કરવામાં આવી છે.
રાજ્યમાં મેઘરાજાના વિરામ બાદ થશે એન્ટ્રી
આગામી કેટલાક દિવસોમાં વરસાદનું જોર વધશે તેવું હવામાન વિભાગે જણાવ્યું છે. મહત્વનું છે કે જૂલાઈના બીજી અઠવાડિયામાં સારો એવો વરસાદ પડી શકે છે. રાજ્યમાં અનેક જિલ્લાઓમાં જૂન માસમાં સારો એવો વરસાદ ખાબક્યો હતો. અરવલ્લી જિલ્લામાં જૂન મહિનામાં વરસેલા વરસાદ બાદ 98 હજાર હેક્ટર જમીનમાં ખેડૂતોએ વાવેતર કર્યું છે. જે પૈકી 43 હજાર હેક્ટરમાં મગફળી, 21 હજાર હેક્ટરમાં સોયાબીન અને 9 હજાર હેક્ટરમાં કપાસનું વાવેતર કરાયું છે. હવામાન વિભાગના જણાવ્યા મુજબ 8 અને 9 જુલાઈએ દક્ષિણ ગુજરાત અને સૌરાષ્ટ્રના કેટલાક જિલ્લામાં સામાન્ય વરસાદની પડી શકે છે.