રાજ્યમાં દારૂબંધીના દાવાઓ વચ્ચે છેલ્લા બે વર્ષમાં 215 કરોડ 62 લાખ 52 હજારનો વિદેશી દારૂ પકડાયો છે.
રાજ્ય સરકારની દારૂબંધીની પોલ ખુલી
606 કરોડથી વધુના નશીલા દ્રવ્યો ઝડપાયા
4,046 આરોપીઓની ધરપકડ બાકી
રાજ્યમાં દારૂબંધીના દાવા વચ્ચે ચોંકાવનારા આંકડાઓ સામે આવ્યા સામે આવ્યો છે. વિધાનસભામાં કોંગ્રેસના ધારાસભ્યએ કરેલા પ્રશ્નમાં સરકારે જવાબ આપતા જણાવ્યું હતું કે, રાજ્યમાં છેલ્લા બે વર્ષમાં 215 કરોડ 62 લાખ 52 હજારનો વિદેશી દારૂ પકડાયો છે. જેમાંથી 4 કરોડ 33 લાખ 78ની કિંમતનો દેશી દારૂ છે. આ સાથે 16 કરોડ 20 લાખની કિંમતની બિયરની બોટલો પકડાઈ છે.
606 કરોડથી વધુના નશીલા દ્રવ્યો ઝડપાયા
જ્યારે વાત કરીએ નશીલા દ્રવ્યોની તો રાજ્યમાં છેલ્લા 2 વર્ષમાં 606 કરોડ 41 લાખ 84 હજાર 847ની કિંમતના નશીલા દ્રવ્યો પકડાયા છે. જેમાં પોલીસે 370 કરોડની કિંમતના અફીણ, ચરસ, ગાંજો, હેરોઈન પકડાયું છે. જ્યારે નશીલા દ્રવ્યોની હેરાફેરીમાં સંડોવાયેલા 4 હજાર 46 આરોપીઓની ધરપકડ કરવાની બાકી છે. ઉલ્લેખનીય છે કે, સરકારના દાવા વચ્ચે વિધાનસભામાં વિપરીત આંકડાઓ સામે સરકારની પોલ ખુલી જવા પામી છે.