વિરોધાભાસ / ગુજરાતમાં વેક્સિનેશનમાં પણ વિસંગતતા એક શહેરમાં પડાપડી તો બીજા શહેરમાં...

• ગુજરાતના બે મહાનગરોમાં વેક્સિનેશનનું સત્ય
• બીજા મહાનગરમાં છે વેક્સિન માટે નિરસતાં
• રાજ્યામાં અનેક લોકોમાં વેક્સિનને લઈ જાગૃતિ આવી

હાલ રાજ્યમાં વેક્સિનેશનની પ્રક્રિયા ચાલી રહી છે પરતું રાજ્યમાં બે મહાનગરમાં વેક્સિનેશન પ્રક્રિયાને લઈને અલગ અલગ સ્થિતિ જોવા મળી રહી છે એક તરફ વેક્સિનને લઈને ભારે ધસારો જોવા મળી રહ્યો છે તો બીજી તરફ વેક્સિનેશનને લઈ ઉદાસીનતા જોવા મળે છે અમદાવાદ અને વડોદરામાં વેક્સિનેશન પ્રક્રિયા સ્થિતિ જાણવાનો પ્રયાસ કરવામાં આવ્યો છે.

ગુજરાતના બે મહાનગરોમાં વેક્સિનેશનનું સત્ય

અમદાવાદ સહિતના સેન્ટરોમાં વેક્સિનેશનની પ્રક્રિયામાં ધીમી ચાલી રહી છે ત્યારે અમદાવાદમાં વેક્સિનેશનને લઈને સારો પ્રતિસાત જોવા મળી રહ્યો છે ત્યારે  સરકારી સેન્ટરો પર વેક્સિનનો પુરતો જથ્થો ઉપલબ્ધ નથી .અત્યારે સ્થિતિ એવી ઉભી થઇ છે કે 18 થી 44 વર્ષની વયના લોકોને તો પુરતા પ્રમાણમાં વેક્સિન આપી શકાતું નથી પરંતુ તેની સાથે 45 વર્ષથી ઉપરના લોકો કે જેમને વેક્સિનનો બીજો ડોઝ લેવાનો છે તે લોકો રઝળી પડ્યાં છે. 

બીજા મહાનગરમાં છે વેક્સિન માટે નિરસતાં

કોરોનાની ત્રીજી લહેરની શક્યાતા સેવાઈ રહી છે ત્યારે લોકોમાં વેક્સિનેશન અંગે જાગૃતિ આવી છે અમદાવાદ જેવા મોટા શહેરોમાં સેન્ટરો પર જઈ અનેક લોકો લઈ રહ્યા છે વેક્સિન લઈ રહ્યા છે ત્યારે વડોદરા જેવા મહાનગરોમાં વેક્સિનને લઈને ઉદાસીનતા જોવા મળી રહી છે. સ્થિતિ એવી છે કે 31 લોકોએ સ્લોટ બુક કરાવ્યા હોય તો માત્ર 8 લોકો જ વેક્સિન લેવા આવે છે જેને લઈ વડોદરાના વેક્સિન સેન્ટરો સૂમસામ દેખાય છે તો એનાથી વિપરીત પરિસ્થિત અમદાવાદમાં જોવા મળે છે. વેક્સિન લેવા માટે પડાપડી જોવા મળે છે.

રાજ્યામાં અનેક લોકોમાં વેક્સિનને લઈ જાગૃતિ આવી

ગુજરાતમાં અત્યાર સુધીમાં વેક્સિનેશનના કુલ 1.24 કરોડ ડોઝ આપવામાં આવ્યા છે. 18 થી 44 વર્ષ સુધીના લોકોને 1લી મે એ 55 હજાર 235 અને 2જી મે એ 25 હજાર 712 લોકોને પ્રથમ ડોઝ આપવામાં આવ્યો છે. રાજ્યમાં કુલ 98.73 લાખ લોકોએ પહેલો ડોઝ અને 25.57 લાખ લોકોએ બીજો ડોઝ લીધો છે. જો કે વેક્સિનના અભાવે બીજા દિવસે ત્રીજા તબક્કામાં વેક્સિન લેનારા લોકોની સંખ્યા 50 ટકા ઘટી ગઇ છે.

સ્લોટ બુક કરવામાં લોકોને ઘણી મુશ્કેલી

રાજ્યમાં કોરોના સંક્રમણ સતત ઘટી રહ્યું છે ત્યારે વેક્સિનેશનની સ્પીડ ઝડપી બનાવવા માટે હવે સરકારની સાથે ખાનગી હોસ્પિટલોમાં પણ વેક્સિનેશન શરૂ કરવામાં આવ્યું છે. છેલ્લા ઘણા દિવસોથી સતત સ્લોટ બુક કરવામાં લોકોને ઘણી મુશ્કેલીઓ પડી રહી છે. એને કારણે લોકો મજબૂરીમાં ખાનગી હોસ્પિટલોમાં પૈસા ખર્ચી વેક્સિન લઈ રહ્યા છે. બીજી તરફ ખાનગી હોસ્પિટલો પણ વેક્સિનના મનફાવે રૂપિયા લઈ રહી છે.

વડોદરામાં  મનપાએ જાહેર કરેલા  આંકડાઓ
વડોદરા મહાનગરપાલિકાએ જાહેર કરેલા આંકડાઓ પ્રમાણે, વડોદરા શહેર જિલ્લામાં પોઝિટિવ કેસનો કુલ આંક 69,617 ઉપર પહોંચી ગયો છે. કોરોનાથી વડોદરા શહેર અને જિલ્લામાં સત્તાવાર મૃત્યુઆંક 610 પર પહોંચ્યો છે. અત્યાર સુધીમાં કુલ 62,401 લોકો કોરોનાને માત આપી ચૂક્યા છે. વડોદરામાં હાલ 6 હજાર 606 એક્ટિવ કેસ પૈકી 187 દર્દી ઓક્સિજન ઉપર અને 118 દર્દી વેન્ટિલેટર પર છે. વડોદરામાં અત્યાર સુધીમાં કોરોનાના 69 હજાર 617 પોઝિટિવ કેસ નોંધાયા છે. જે પૈકી પૂર્વ ઝોનમાં 9 હજાર 492, પશ્ચિમ ઝોનમાં 11 હજાર 400, ઉત્તર ઝોનમાં 11 હજાર 447, દક્ષિણ ઝોનમાં 11 હજાર 341 વડોદરા ગ્રામ્યમાં 25 હજાર 911 કેસ છે.