જે.એમ.બામણિયાએ પોસ્ટલ બેલેટ અંગેની વિગતોવાળા ફોર્મ સમયસર પહોંચાડવામાં બેદરકારી દાખવી હતી, ગોધરા યુનિટના 471 હોમ ગાર્ડઝ જવાનો મતદાનથી વંચિત રહ્યા હતા.
ગોધરા યુનિટના નોડલ ઓફિસરની બેદરકારી
જે.એમ.બામણિયાને કરાયા સસ્પેન્ડ
પોસ્ટલ બેલેટના ફોર્મ જમા કરાવવામાં બેદરકારી
પંચમહાલમાં ગોધરા યુનિટના નોડલ ઓફિસરની બેદરકારી સામે આવી છે. જેને લઈને નોડલ ઓફિસર જે.એમ.બામણિયાને સસ્પેન્ડ કરવામાં આવ્યા છે. જે.એમ.બામણિયાએ પોસ્ટલ બેલેટ અંગેની વિગતોવાળા ફોર્મ સમયસર પહોંચાડવામાં બેદરકારી દાખવી હતી. આથી ગોધરા યુનિટના 471 હોમ ગાર્ડઝ જવાનો મતદાનથી વંચિત રહ્યા હતા.
બે વાર નોટિસ આપ્યા બાદ ચૂંટણી અધિકારીને ફોર્મ જમા કરાવ્યા હતા. પરંતુ મુદત વીતી ગઈ હોવાથી ફોર્મ ન સ્વીકારતા તમામ ફોર્મ રિજેક્ટ થયા હતા. આમ, નોડલ ઓફિસર જે.એમ.બામણિયાની બેદરકારીને કારણે 471 હોમ ગાર્ડઝ જવાનો સ્થાનિક સ્વરાજની ચૂંટણીમાં મતદાનથી વંચિત રહ્યા હતા. જેને લઈને જે.એમ.બામણિયાને સસ્પેન્ડ કરવામાં આવ્યા છે.