ગાંધીનગર મહાનગર પાલિકાના કોર્પોરેટરે અધિકારીને લાફો મારવાની ઘટના સામે આવી છે. વોર્ડ નંબર-5ના કોંગી કોર્પોરેટર ચીમન વિંજુડાએ સબ રજીસ્ટ્રારને લાફો માર્યાનો આક્ષેપ થયા છે. કોર્પોરેશનમાં પોતાની ફરજ બજાવતા સબ રજીસ્ટ્રારને જન્મ-મરણના દાખલા બાબતે બોલાચાલી બાદ લાફો માર્યો હતો. સબ-રજીસ્ટ્રારે પત્રકારો સાથેની વાતમાં આ ઘટના અંગે ખુલાસો કર્યો છે.
ગાંધીનગર કોર્પોરેશનમાં અરજદારની માગણી મુજબ ફોર્મેટમાં દાખલો ન કાઢી આપતા સમગ્ર વિવાદ છેડાયો હતો. જે બાદ કોર્પોરેટરે પોતાના પદનો રૂઆબ દેખાડતા સબ-રજીસ્ટ્રાર સાથે પહેલા બોલાચાલી કરી હતી. જે બાદ લાફો મારી દીધાની વાત સબ-રજીસ્ટ્રાર તરફથી કરવામાં આવી છે.