છેતરપીંડી / ઘરે-બેઠાં નોકરી કરો તેવી જાહેરાત જોઈને ભરાઈ ન જતા, આંખ ઉઘાડનારો કિસ્સો આવ્યો સામે

• યુવક સાથે થઈ ૬૫૦૦૦ ની ઠગાઈ
• અમદાવાદના કૃષ્ણનગરની ઘટના છે 
• નૌકરી આપવાના બહાને છેતરપીંડી કરી

કૃષ્ણનગર વિસ્તારમાં રહેતા એક યુવકે એક અખબારમાં આવેલ ટચૂકડી જાહેરાત કે જેમાં ટેલિકોમ ફોર-જી કંપનીમાં SMS કરી ઘેરબેઠાં રૂપિયા પંદર હજારથી વધુ કમાવોની જાહેરાત આવી હતી. આ જાહેરાત વાંચી યુવકે અખબારમાં આપેલ મોબાઈલ નંબર પર ફોન કર્યો હતો. ફોનમાંથી સામેવાળી વ્યકિત સાથે વાત થયા પ્રમાણે ડેટા એન્ટ્રીની જોબ માટે જણાવ્યું અને જોબ માટેના જરૂરી ડોક્યુમેન્ટ્સ વોટ્સઅપ મારફતે મોકલાવ્યા. ત્યારબાદ મેન્ટેનન્સ ચાર્જ પેટે ર૦પ૦ રૂપિયા મંગાવ્યા તે રૂપિયા ગૂગલ પે મારફતે યુવકે મોકલી આપ્યા. ત્યારબાદ ફરીથી જણાવ્યું કે ડેટા એન્ટ્રી માટે વપરાતા લેપટોપ માટે ૯૬૦૦ રૂપિયા આપવા પડશે અને તે પૈસા યુવકે મોકલાવ્યા. 

ત્યારબાદ ફરીથી અલગ અલગ કામ આપવાના બહાને કુલ ૬પ,૦૦૦ રૂપિયાથી વધુ યુવકે ભરી દીધા હતા, પરંતુ તેમ છતાં પણ કોઈ ડેટા એન્ટ્રીનું કામ ન મળતાં કે પૈસા પણ પાછા ન મળતાં યુવકે કૃષ્ણનગર પોલીસ સ્ટેશન ખાતે ફ‌િરયાદ નોંધાવી છે. પોલીસે છેતરપિંડીનો ગુનો નોંધી પૈસા ભરવા માટે આપેલ મોબાઈલ નંબર તેમજ બેન્ક ખાતાના આધારે તપાસ શરૂ કરી છે.