દાહોદનાં ફતેપુરામાં પ્રેમી યુગલને માર મારતો વીડિયો વાયરલ થવા પામ્યો છે. જેમાં મહિલાના પતિ અને કુટુંબીજનોએ જાહેરમાં મહિલાને માર માર્યો હતો. ત્યારે આ બાબતે પોલીસે 3 થી 4 લોકોની અટકાયત કરી તપાસ હાથ ધરી છે.
રાજ્યમાં અવાર નવાર પ્રેમી યુગલને તાલિબાની સજા આપતો વીડિયો વાયરલ થતો હોય છે. ત્યારે આવો જ એક વીડિયો દાહોદનાં ફતેપુરાનો થવા પામ્યો છે. જાણવા મળતી માહિતી મુજબ થોડા સમય પહેલા પ્રેમી સાથે ભાગી ગયેલ પરણીતા ગામમાં પરત આવી હોવાની જાણ થતા ગ્રામજનો પ્રેમી પંખીડાને તાલીબાની સજા આપી રહ્યા છે.
પોલીસે વીડિયોનાં આધારે ચાર શખ્શોની અટકાયત કરી
વીડિયોમાં તમે જોઈ શકો છો કે ગ્રામજનો દ્વારા પ્રેમી સાથે ભાગી ગયેલ પરણીતા ગામમાં પરત આવતા યુવતિને બેરહેમીથી ઢસડી રહ્યા છે. જેમાં પરણીતાની સાડી તેનાં પ્રેમિનાં માથે બંધાવે છે. ત્યારે આ વીડિયો વાયરલ થતા સમગ્ર ગામમાં ચકચાર મચી જવા પામી છે. ત્યારે આ મામલે પોલીસે વીડિયોનાં આધારે ચાર શખ્શોની અટકાયત કરી છે.
— VTV Gujarati News and Beyond (@VtvGujarati) May 31, 2023
પ્રેમી સાથે ભાગી ગયેલી પરણીતા ગામમાં પરત આવતા તાલિબાની સજા મળી
મળતી માહિતી મુજબ ફતેપુરા તાલુકાનાં મારગાળામાં એક પરણીતા તેનાં પ્રેમી સાથે ભાગી ગઈ હતી. ત્યારે થોડા દિવસ બાદ મહિલા ગામમાં પરત ફરતા ગ્રામજનો દ્વારા મહિલાને તાલિબાની સજા આપી હતી. જેમાં પરણીતાનો પતિ તેમજ અન્ય ટોળાએ પરણીતાને જમીન પર ઢસડી હતી. તેમજ મહિલાએ પહેરેલી સાડી કાઢી નાંખી તેનાં પતિના માથે બાંધી દઈ મહિલાને માર મારવામાં આવ્યો હતો. ત્યારે આ વીડિયો વાયરલ થતાં ગ્રામ્ય વિસ્તારોમાં ખળભળાટ મચી ગયો હતો.
આદિવાસી વિસ્તારમાંથી અવાર નવાર વીડિયો વાયરલ થતો હોય છે
વાયરલ થયેલ વીડિયોમાં જોઈ શકાય છે કે ટોળું મહિલા અને તેનાં પ્રેમી સાથે મારઝુડ કરી રહ્યું છે. તો એક વ્યક્તિ જાણે સમગ્ર ઘટનાનો આનંદ માણતો હોય તે રીતે મન મુકીને નાચી રહ્યો છે. દાહોદ, પંચમહાલ તેમજ ગોધરા સહિત અન્ય આદિવાસી વિસ્તારોમાં અવાર નવાર પ્રેમી પંખીડાઓને તાલિબાલી સજા આપતા વીડિયો સોશિયલ મીડિયામાં વાયરલ થતા હોય છે. આવી તાલિબાની સજા વખતે કેટલીક મહિલાઓ દૂરથી જ ઘટનાને જોતી હોય છે. આ વિસ્તારોમાં હજુ પણ મહિલાઓની પરિસ્થિતિ ખૂબ જ ખરાબ હોવાનું વીડિયો પરથી જાણવા મળી રહ્યું છે.
પોલીસે 3 લોકોની ધરપકડ કરી
આ બાબતે દાહોદ એસપી બલરામ મીણાએ જણાવ્યું હતું કે, સુખસર પોલીસ સ્ટેશનનાં મારગરા ગામમાં એક વીડિયો વાયરલ થયો હતો. વીડિયો વાયરલ થતા અમે આ બાબતે તપાસ હાથ ધરી હતી. જેમાં આ સમગ્ર મામલો લગ્નેતર સબંધનો પ્રશ્ન છે. જેમાં જે મહિલાને માર મારવામાં આવી રહ્યો છે. તે મહિલાનાં લગ્ન 15 થી 20 વર્ષ પહેલા થઈ ગયા હતા. ત્યારે આ મહિલાને અન્ય વ્યક્તિ સાથે પ્રેમ સબંધ હતા. જે બાબતે ગ્રામજનોને જાણ થતા ગ્રામજનોએ મહિલાને તાલિબાની સજા આપી છે. ત્યારે આ બાબતે પોલીસે 3 લોકોની ધરપકડ કરી આગળની કાર્યવાહિ હાથ ધરી છે.