તમારા કામનું / ઈમરજન્સીમાં પૈસાની જરૂર પડે તો ચિંતા ના કરશો! આ રીતે ઘરે બેઠા ફટાફટા મળી જશે લોન, જાણો પ્રોસેસ

• LIC પોલિસી સામે લઈ શકાય છે લોન 
• ઘરે બેઠા એપ્લાય કરી શકાશે લોન 
• જાણો સ્ટેપ ટૂ સ્ટેપ પ્રોસેસ 

જો તમને ઈમરજન્સીમાં પૈસાની જરૂર હોય તો તમે તમારી LIC પોલિસી સામે સરળતાથી લોન લઈ શકો છો. જો તમારી પાસે LICની પોલિસી છે તો તમે પર્સનલ લોન મેળવી શકો છો. જેથી તમારે બેંકોના ધક્કા નહીં ખાવા પડે. અને તમે આ કામ ઘરે બેઠા સરળતાથી કરી શકી શકશો. 

તેની ખાસ વાત એ છે કે તમે આ લોન ખૂબ જ ઓછા વ્યાજ દરે મેળવી શકો છો. આ માટે તમારે બહાર જવાની પણ જરૂર નથી. તમે તમારા ઘરના આરામથી લોન માટે ઑનલાઇન અરજી કરી શકો છો. LIC પોલિસી પર પર્સનલ લોન મેળવવા માટે ભારતીય નાગરિકતા હોવી જરૂરી છે. આ માટે તમારી ઉંમર 18 વર્ષથી વધુ હોવી જોઈએ.

પોલિસીમાં ઓછામાં ઓછુ ત્રણ મહિનાનું પ્રીમિયમ ચુકવેલું હોવું જોઈએ 
જો તમે LICની પોલિસી વિરુદ્ધ લોન લઈ રહ્યા છો, તો તે પોલિસીનો ઉપયોગ કરો જેમાં તમે ઓછામાં ઓછા ત્રણ મહિના માટે પ્રીમિયમ ચૂકવ્યું હોય. પરંતુ આ લોન તે ગ્રાહકો જ મેળવી શકે છે જેમની પાસે LICની એન્ડોમેન્ટ પોલિસી છે. તે જીવન વીમા પોલિસી એન્ડોમેન્ટ પોલિસી હેઠળ આવે છે. આ એવી પોલિસી છે જેમાં પાકતી મુદત અથવા મૃત્યુ પછી જ રકમ ચૂકવવામાં આવે છે.

આ રીતે લોન માટે કરો અરજી 

• તમે ઘરે બેઠા જ LIC પોલિસી સામે લોન માટે ઓનલાઈન અરજી કરી શકો છો. સૌથી પહેલા તમારે LICની સત્તાવાર વેબસાઇટ https://licindia.in/Home/Policy-Loan-Options પર જવું પડશે.
• આ પછી તમને અહીં ઓનલાઈન લોનનો વિકલ્પ મળશે. તેના પર ક્લિક કરો.
• ત્યારબાદ તમારે 'ગ્રાહક પોર્ટલના માધ્યમથી' પર ક્લિક કરવાનું રહેશે.
• હવે તમે તમારું યુઝર આઈડી, જન્મ તારીખ અને તમારો પાસવર્ડ દાખલ કરીને અહીં લોગીન કરી શકો છો.
• આ પછી તમે જે પોલિસી પર લોન લેવા માંગો છો તેને પસંદ કરો. આ સાથે પ્રોસેસ પૂર્ણ થઈ જાય છે.
• તમારી અરજી મંજૂર થવામાં 5 દિવસ જેટલો સમય લાગશે.
• જે પછી લોનની રકમ તમારા બેંક ખાતામાં ટ્રાન્સફર થઈ જશે.

આ દસ્તાવેજો છે જરૂરી 
તમે ઓછામાં ઓછા છ મહિના માટે LICની પોલિસી પર લોન મેળવી શકો છો. LIC પોલિસી સામે લોન માટે, આધાર કાર્ડ, મતદાર ઓળખ કાર્ડ, અન્ય કોઈપણ ઓળખ દસ્તાવેજ અને બે પાસપોર્ટ સાઇઝના ફોટોગ્રાફ્સ હોવા ખૂબ જ મહત્વપૂર્ણ છે. આ સાથે એડ્રેસ પ્રૂફ માટે આધાર કાર્ડ, વોટર આઈડી કાર્ડ અથવા ડ્રાઈવિંગ લાયસન્સ આપી શકાય છે. આવકના પુરાવા માટે બેંક વિગતો અને પેમેન્ટ સ્લિપ જરૂરી છે.