લોકો જયારે પણ કોઈ ઈલેક્ટ્રોનિક વસ્તુ ખરીદવા માટે જાય છે ત્યારે તેમનું સ્ટાર રેટિંગ ચોકસ પૂછે છે પરંતુ શું તમને ખબર દર બે વર્ષે સ્ટાર રેટિંગમાં બદલાવ કરવામાં આવે છે.
આ વર્ષે એસીના સ્ટાર રેટિંગમાં બદલાવ
સ્ટાર રેટિંગ એનર્જી વપરાશનો બચાવ દર્શાવે છે
સ્ટાર રેટિંગમાં બદલાવથી ભાવ વધારો જોવા મળી શકે છે
એનર્જી રેટિંગમાં થશે ફેરફાર
એર કંડિશનર અને ફ્રિજ સહિતના ઇલેક્ટ્રોનિક ઉપકરણો ખરીદતી વખતે લોકો સ્ટાર રેટિંગમાં સૌથી વધુ ધ્યાન આપે છે. જો તમે પણ ઇચ્છતા હોવ કે વીજળીના બિલોથી તમારૂ વધુ ઢીલુ ન થાય, તો આ બાબતનું ધ્યાન રાખવું પણ જરૂરી છે. જો કે જો તમે પણ એસી કે ફ્રિજ ખરીદવાનું વિચારી રહ્યા છો તો એક સમાચાર તમને ચોંકાવી દે તેવા છે. હકીકતમાં ટૂંક સમયમાં એસી અને ફ્રિજ એનર્જી રેટિંગ એટલે કે સ્ટાર રેટિંગમાં ફેરફાર થવા જઈ રહ્યો છે. ફેરફાર થતા જ આ ઉત્પાદનોના ભાવ પણ વધશે.
આવતા મહિને બદલાશે ACના સ્ટાર રેટીંગ
એસીના કિસ્સામાં જોઈએ તો દર બે વર્ષે તેના એનર્જી રેટિંગમાં ફેરફાર કરવામાં આવે છે. આ વખતે આ ફેરફારો આવતા મહિનાથી અમલમાં આવવાના છે. સ્પષ્ટ ભાષામાં સમજી લઈએ કે જે એસી ફાઇવ સ્ટાર છે, નવી સિસ્ટમ લાગુ થયા બાદ તેઓ 4 સ્ટાર બની જશે. આ પછી કંપનીઓ ફાઇવ સ્ટાર કેટેગરીમાં નવી પ્રોડક્ટ્સ લોન્ચ કરશે, જે અગાઉની પ્રોડક્ટ કરતાં વધુ એનર્જી એફિશિયન્ટ હશે એટલે કે વધુ વીજળીની બચત થશે. કંપનીઓએ ટેકનોલોજી પર કામ કરવું પડશે એટલે ખર્ચ વધે તે સ્વાભાવિક છે. એક અંદાજ મુજબ નવી એનર્જી રેટિંગ લાગુ થયા બાદ એસીના ભાવમાં 7 થી 10 ટકાનો વધારો થઈ શકે છે.
ફ્રિજના રેટિંગમાં આવતા વર્ષથી ફેરફાર
ફ્રિજના કિસ્સામાં નવું સ્ટાર રેટિંગ આવતા વર્ષથી અમલી બનશે. અહીં પણ તમને એસી જેવી જ અસર જોવા મળશે. અત્યારે જે ફાઇવ સ્ટાર ફ્રિજ છે તે આવતા વર્ષથી ફોર સ્ટાર બની જશે. સાથે જ કંપનીઓ ફાઈવ સ્ટાર કેટેગરીમાં નવા ફ્રિજ લોન્ચ કરશે. અહીં પણ કંપનીઓએ વધુ ખર્ચનો ભાર ઉઠાવવો પડશે, જે ગ્રાહકોને ટ્રાન્સફર કરવામાં આવશે. એટલે કે આવતા વર્ષથી ફ્રિજ ખરીદવું પણ મોંઘુ પડશે. જો કે હવે જે ફાઈવ સ્ટાર એસી કે ફ્રિજ આવશે તેનાથી પણ વધુ વીજળીની બચત થશે.
જૂના માલ પર ઓફર્સ મળી શકે છે
એસી અથવા ફ્રિજ ખરીદવાની યોજના બનાવી રહેલા ગ્રાહકોને એક સારી તક પણ પ્રદાન કરી શકે છે. કંપનીઓ નવો માલ લાવતા પહેલા બજારમાંથી જૂનો માલ દૂર કરવાનો પ્રયાસ કરે છે. જો આ વખતે પણ જૂના રેટિંગવાળા પ્રોડક્ટ થોડા પ્રમાણમાં પડ્યા રહે તો કંપનીઓ તેને વહેલી તકે માર્કેટમાંથી કાઢવા માટે ખુબ સારું ડિસ્કાઉન્ટ આપી શકે છે. આવી સ્થિતિમાં, ગ્રાહકોને સસ્તામાં વધુ સારા એસી-ફ્રિજ ખરીદવાની તક મળી શકે છે. જોકે આ ઓફર એ વાત પર નિર્ભર કરશે કે કંપનીના જૂના રેટિંગના કેટલા યુનિટ અનસોલ્ડ રહે છે.