મુખ્યમંત્રી એકનાથ શિંદે શહેરી વિકાસ મંત્રાલય પોતાની પાસે રાખ્યું
ડેપ્યુટી સીએમ ફડણવીસને આપ્યો ગૃહ અને નાણા વિભાગનો હવાલો
ચંદ્રકાંત પાટીલને શિક્ષણ અને સુધીર મુંઘનીતવારને વન વિભાગ સોંપાયો
મહારાષ્ટ્રમાં રવિવારે શિંદે સરકારના મંત્રીમંડળમાં ખાતાની ફાળવણી કરવામાં આવી હતી. મુખ્યમંત્રી એકનાથ શિંદેને એમઆરડીસી અને શહેરી વિકાસ વિભાગની જવાબદારી મળી છે. ડેપ્યુટી મુખ્યમંત્રી દેવેન્દ્ર ફડણવીસને ગૃહ અને નાણા મંત્રાલયનો હવાલો સોંપાયો છે તો ચંદ્રકાંત પાટીલને ઉચ્ચ અને ટેકનિકલ શિક્ષણ વિભાગ અને સુધીર મુંઘનીતવારને વન વિભાગની જવાબદારી સોંપવામાં આવી છે. રાજ્યપાલ ભગતસિંહ કોશ્યારીની મંજૂરી બાદ ખાતાની ફાળવણીની જાહેરાત કરવામાં આવી છે.
Portfolios allocated to Maharashtra ministers - CM Eknath Shinde to handle Urban Development, Environment, Minority, Transport, Disaster Mgmt; Deputy Chief Minister Devendra Fadnavis gets Home and Finance
કોને કયું ખાતું મળ્યું
સીએમ એકનાથ શિંદે- શહેરી વિકાસ
ડેપ્યુટી સીએમ ફડણવીસ- ગૃહ અને નાણા
ચંદ્રકાંત પાટીલ- ઉચ્ચ અને ટેકનિકલ શિક્ષણ
સુધીર મુંઘનીતવાર- વન વિભાગ
9 ઓગસ્ટે 18 મંત્રીઓએ લીધા હતા શપથ
ઉલ્લેખનીય છે કે 9 ઓગસ્ટના રોજ શિંદે કેબિનેટમાં કુલ 18 મંત્રીઓએ શપથ લીધા હતા, જેમાં ભાજપના ક્વોટાના નવ અને શિંદે જૂથના નવ મંત્રીઓનો સમાવેશ થાય છે. મહારાષ્ટ્રના મંત્રીપરિષદમાં 20 સભ્યો છે. શિંદે કેબિનેટ વિસ્તરણમાં કોઈ મહિલા નેતાને મંત્રી બનાવવામાં આવ્યા નથી. મરાઠા અને ઓબીસી સમુદાયોમાંથી આવતા નેતાઓને મંત્રીમંડળમાં ખાસ ધ્યાન આપવામાં આવ્યું છે. જો કે બ્રાહ્મણોની સાથે મુસ્લિમ, દલિત અને આદિવાસી સમાજને જગ્યા આપીને એક મજબૂત સોશિયલ એન્જીનિયરિંગ બનાવવાનો પ્રયાસ કરવામાં આવ્યો છે.
મુખ્યમંત્રી શિંદે પાસે આટલા વિભાગનો હવાલો
મુખ્યમંત્રી એકનાથ શિંદેના જણાવ્યા અનુસાર સામાન્ય વહીવટ, શહેરી વિકાસ, માહિતી અને ટેકનોલોજી, માહિતી અને જનસંપર્ક, જાહેર કાર્યો (જાહેર પ્રોજેક્ટ્સ), પરિવહન, માર્કેટિંગ, સામાજિક ન્યાય અને વિશેષ સહાય, રાહત અને પુનર્વસન, આપત્તિ વ્યવસ્થાપન, જમીન અને જળ સંરક્ષણ, પર્યાવરણ અને આબોહવા પરિવર્તન, લઘુમતીઓ અને વકફ તેમજ અન્ય વિભાગોની ફાળવણી કોઈ પણ પ્રધાનને કરવામાં આવી નથી. જે હાલ મુખ્યમંત્રી જોશે.
દેવેન્દ્ર ફડણવીસ પાસે આટલા વિભાગોની જવાબદારી
ડેપ્યુટી સીએમ ફડણવીસ ગૃહ, નાણાં અને આયોજન, કાયદો અને ન્યાય, જળ સંસાધન અને નફા ક્ષેત્રના વિકાસ, આવાસ, ઊર્જા અને શાહી સૌજન્ય વિભાગોનો હવાલો સંભાળશે.