ઠાઠમાઠ / વટ પાડી દીધો: અમરેલીના દિતલા ગામથી બળદગાડામાં જાજરમાન જાન નીકળી, સૌ કોઈની આંખ પહોળી થઈ ગઈ

• અમરેલીના પાટીદાર પરિવારે કાઢી બળદગાડામાં જાન 
• 3 મહિનાથી જાન માટે કરાઈ હતી તૈયારી 
• પરંપારની જાંખીને જોતા લોકોમાં ખુશી 

આપણે ત્યાં સમય સાથે બધું જ બદલાતું જઈ રહ્યું છે. લોકો આધુનિક્તાની દુનિયામાં એટલા ડુબી ગયા છે કે, આપણી પરંપરા જ ભૂલવા લાગ્યા છે.. પરંતુ સાવરકુંડલાના દિતલા ગામે એક એવા લગ્ય યોજાયા જેણે ફરી એકવાર પરંપરાની પ્રતિતિ કરાવી.

આપણી પરંપરા. આપણા જુના રીતિ-રિવાજ. આપણો જુનો પહેરવેશ. આ બધું સમયના બદલાવ સાથે વિસરાઈ ગયું છે. પરંતુ આજે પણ ક્યાંક એક નાનકડા ગામમાં આ પરંપરા વડીલોએ સાચવિને રાખી છે. અને તેની પ્રતિતિ આ જાજેરી જાન કરાવી રહી છે. આ દ્રશ્યો તો આજની પેઢી માટે કાંઈક નવું જ હશે.

કારણ કે, તેમણે ક્યારેય આવી જાન નહીં જોય હોય. આ પરંપરા પ્રમાણે નિકળેલી જાજેરી જાનના દ્રશ્યો સાવરકુંડલાના દીતલા ગામના છે.. જ્યાં ગામના ડોબરિયા પરિવારે સતત 3 મહિના સુધી મહેનત કરીને આજની પેઢીને જુની પરંપરાથી અવગત કરાવવાનો પ્રયાસ કર્યો. એટલું જ નહીં લલિતભાઈ ડોબરીયાએ પોતાના પુત્રની જાન દીતલા ગામેથી નેસડી ગામ સુધી બળદગાડામાં જ કાઢી.

જરા આ જાનનો ઠાઠ જુઓ. બળદોની સાથે-સાથે ગાડા શણગારાયા છે. વરરાજા પણ ગાડામાં સવાર છે.અને જાનડિયું પણ સુંદર મજાના લગ્નગીત ગાઈ રહી છે.. લોકો માટે આ જાજેરી જાન એક આકર્ષણનું કેન્દ્ર બની ગઈ હતી.. કારણ કે, કદાચ 50 વર્ષ જુની પરંપરા આજે તેમને જોવા મળી.જોકે આ રીતે પોતાની જાન ગાડામાં આવતા દુલ્હનની ખુશીનો પણ કોઈ પાર નહોતો.

મહત્વનું છે કે, આજના સમયમાં લગ્નની વાત આવે એટલે, બધા શાનદાર રીતે લગ્ન કરવાની ઈચ્છા રાખે છે.તેમાં પણ મોંઘેરી ગાડીઓમાં એન્ટ્રી પાડવાનું વિચારતા હોય છે..તેવા સમયમાં આવી રીતે પરંપરાગત અને જુનવાણી રીતે બળદ ગાડામાં જાન નિકળે તે સૌકોઈ માટે એક અનોખું આકર્ષણ રહેવાનું.ત્યારે વીટીવી ન્યૂઝ ડોબરિયા પરિવારના આ પ્રયાસની સરાહના કરે છે.