ક્રાઈમ / આવું ક્યાં સુધી ચાલશે? દિલ્હીમાં સગીરા પર થયો ગેંગરેપ, પછી તેના જ કપડાથી ગળાફાંસો આપી કરાઈ હત્યા

• દિલ્હીના નરેલા ઈંડસ્ટ્રીયલ એરિયાથી અઠવાડીયાથી ગાયબ હતી છોકરી 
• અપહરણ કેસ દાખલ કરી પોલીસે શરુ કરી તપાસ 
• તલાશી બાદ મળી તેની લાશ
• એક આરોપી પકડાયો 

દેશની રાજધાનીમાં એક સગીરાના ગેંગરેપ બાદ ગળાફાંસો આપીને તેની હત્યા કરવામાં આવી. પોલીસે એક 14 વર્ષીય છોકરી સાથે સામૂહિક બળાત્કાર તથા તેની હત્યાના મામલામાં 32 વર્ષીય એક વ્યક્તિને અરેસ્ટ કર્યો છે. એક અધિકારીએ સોમવારે  આ જાણકારી આપી. જોકે, આ મામલામાં અન્ય આરોપી હજુ ફરાર છે. ડીસીપી બૃજેન્દ્ર કુમાર યાદવે કહ્યું કે નરેલા ઔધોગિક ક્ષેત્ર પોલીસ સ્ટેશનમાં એક છોકરીના લાપતા થયા બાદ અજ્ઞાત વ્યક્તિઓ વિરુદ્ધ 15 ફેબ્રુઆરીના રોજ અપહરણનો મામલો દાખલ કરવામાં આવ્યો હતો. 

19 ફેબ્રુઆરીના રોજ ઝાંસીથી ગામ આવેલા સન્નોઠ નિવાસી રાહુલ રાય પાસે તેમની દુકાનમાંથી વાસ આવવા તથા ત્યાં કામ કરી રહેલ મજુરના ગાયબ થવાની સુચના મળી હતી. સુચના પર કાર્યવાહી કરતા, પોલીસ ટીમે દુકાનની તપાસ કરી તથા ગાયના ગોબરના બોરા નીચે છુપાયેલ લાપતા છોકરીનું આંશિક રૂપથી ક્ષત-વિક્ષત શરીર મળ્યું. 

સન્નોઠ ગામથી પકડાયો આરોપી 
ડીસીપીએ કહ્યું કે સ્થાન પરથી શરીર મળ્યું,તેની પણ એક અપરાધ ટીમે તપાસ કરી તથા શરીરને બીજેઆરએમ દવાખાના જહાંગીરપૂરીમાં મુર્દાઘરમાં સ્થાનાંતરિત કર્યું. યાદવે કહ્યું કે આખરે, એક ગુપ્ત સુચના મળી તથા એક આરોપીને 20-21 ફેબ્રુઆરી દરમિયાન રાત્રે સન્નોઠ ગામના બહારના ઇલાકામાંથી અરેસ્ટ કરવામાં આવ્યો. 

છોકરીના પ્લાઝોથી આપ્યો ગળાફાંસો 
ઉત્તર પ્રદેશના હરદોઇ જીલ્લાના રહેવાવાળા આરોપીએ પૂછતાછ દરમિયાન ખુલાસો કર્યો કે તેણે એક અન્ય વ્યક્તિ સાથે મળીને પીડિતાને દારુ પાયો તથા કાર્યસ્થળ પર બોલાવી. ત્યાર બાદ બંનેએ તેનું યૌન શોષણ કર્યું. અધિકારીએ કહ્યું કે એ ડરથી કે પીડિતા તેમની ઓળખાણ કોઈને જણાવી દેશે, આરોપીએ તેના જ પહેરેલ 'પ્લાઝો' થી તેને ગળાફાંસો આપ્યો. ડીસીપીએ આગળ જણાવ્યું કે બીજા આરોપીને અરેસ્ટ કરવા માટેની કોશિશો ચાલી રહી છે.