મતદારોને પ્રસન્ન કરવા માટે ભાજપના સભામંડપમાં જ ધોળા સભાસ્થળે જ વિદેશી શરાબનું વિતરણ થઈ રહ્યું છે.
ધોળા સભાસ્થળે જ વિદેશી શરાબનું વિતરણ
જિલ્લા-તાલુકા પંચાયતની ચૂંટણીમાં દારૂ વહેચણી
પંચમહાલના દાહોદમાં ખુલ્લેઆમ કાયદાને પડકાર
મહાનગર પાલિકાના પરિણામો બાદ હવે રાજ્યમાં નગરપાલિકા અને જિલ્લા તાલુકા પંચાયતોની ચૂંટણી યોજાવાની છે. ત્યારે હવે ગામડાના મતદારોને રિઝવવા માટે ઉમેદવારોએ ચૂંટણીપંચની ગાઈડલાઈનને નેવે મૂકી દીધી હોય તેવા દ્રશ્યો જોવા મળી રહ્યા છે. તાજો વીડિયો પંચમહાલના દાહોદથી વાયરલ થયો છે. જ્યાં મતદારોને પ્રસન્ન કરવા માટે ભાજપના સભામંડપમાં જ ધોળા સભાસ્થળે જ વિદેશી શરાબનું વિતરણ થઈ રહ્યું છે.
વીડિયોમાં જોવા મળે છે કે, માત્ર ચૂંટણીપંચના નિયમોના જ નહીં પરંતુ શરાબબંધીના પણ ધજિયા ઉડાવી રહ્યા છે. દારૂની ખુલ્લી વહેચણીના દુશ્યો પંચમહાલના દાહોદથી કેમરામાં કેદ થયા છે. હાલ ચૂંટણીની મોસમ ચાલી રહી છે. નગરપાલિકાના પરિણામ બાદ ભાજપના નેતાઓ અને કાર્યકરો ભરપૂર આત્મવિશ્વાસમાં રાચી રહ્યા છે. હવે તો મહાનગર મહાનગર સત્તા તેમની છે તેમને કોણ ટોકનારુ છે, એમ વિચારીને અહીં જુઓ દાહોદમાં ચૂંટણીસભાના મંડપ નીચે જ ખુલ્લેઆમ વિદેશી દારૂનું વિતરણ થઈ રહ્યું છે.