સુરત / સુરતમાં આંખોની સામે કારની લૂંટ : ફિલ્મોને પણ ટક્કર મારે તેવી મોડસ ઑપરેન્ડી, જુઓ CCTV

• સુરતમાં ધોળે દિવસે બંદૂકની અણીએ લૂંટ 
• લૂંટારુઓ કાર લઈને ફરાર 
• કાયદો વ્યવસ્થાને લઈને ઉઠ્યા સવાલો 

સુરતમાં વધી રહેલી ગુનાખોરી એક ચિંતાનો પ્રશ્ન બન્યો છે. દિવસેને દિવસે અહીયા લૂંટના બનાવો વધી રહ્યા છે. પહેલા તો રાતના અંધારામાં અહીયા લૂંટના બનાવો બનતા હતા. પરંતુ હવે તો ધોળે દિવસે પણ લૂંટારુઓ બેફાન બન્યા છે. વેસુ વિસ્તારમાં ધોળે દિવસે લૂંટારુઓએ એક વૃદ્ધને ટાર્ગેટ કરીને લૂંટ ચલાવી છે. 

બંદૂકની અણીએ લૂંટ 

સાંભળીને આપને નવાઈ લાગશે કે ધોળા દિવસે આરોપીઓએ બંદૂકની અણી બતાવીને લૂંટ કરી છે. જેમા તેઓ કાર લઈને ફરાર થઈ ગયા છે. આ બનાવને લઈને આસપાસના વિસ્તારમાં ચકચાર મચી જવા પામી છે. સાથેજ કાયદો વ્યવસ્થાને લઈને પણ સવાલો ઉભા થયા છે. 

ગણતરીની સેકન્ડોમાં આરોપી ફરાર 

સમગ્ર મામલે જો વિગતવાર વાત કરીએ તો વૃદ્ધનો દિકરો દવા લેવા ગયો હતો. તે સમયે વૃદ્ધ કારમાં એકલા હતા. જેથી તેમની એકલતાનો લાભ લઈને લૂંટારુઓ આવ્યા અને કારમાં બેસી ગયા હતા. જ્યા તેમણે વૃદ્ધને બંદૂક બતાવી અને બાદમાં ગણતરીની સેકન્ડોમાં ત્યાથી કાર લઈને જતા રહ્યા હતા જોકે વૃદ્ધ હાલ સહિ સલામત છે. 

કાયદો વ્યવસ્થાને લઈને સવાલો ઉઠ્યા 

ઉલ્લેખનીય છે કે ભોગ બનનાર પરિવાર સાથે લૂંટારૂઓએ ગણતરીની સેકન્ડોમાં લૂંટ કરી અને ત્યાથી ફરાર થઈ ગયા. આસપાસ લોકો ઉભા પણ હતા પરંતુ લોકો કઈ પણ કરે તે પહેલા આરોપીઓ ત્યાથી કાર લઈને ફરાર થઈ ગયા. જોકે ધોળે દિવસે બનેલી આ લૂંટને લઈને સુરતમાં કાયદો વ્યવસ્થાને લઈને ઘણા સવાલો ઉભા થયા છે.