કોરોના / ભાવનગરમાં છ દિવસથી વેક્સિનનો સ્ટોક જ નથી, લોકો આરોગ્ય કેન્દ્રના ખાઈ રહ્યાં છે ધરમ ધક્કા, જુઓ શુ કહ્યું

• ભાવનગરમાં લોકોને વેક્સિન માટે હાલાકી 
• વેક્સિનનો સ્ટોક ન હોવાનું સામે આવ્યું
• વેક્સિનનો જથ્થો જલ્દી આપવીની સરકાર પાસે કરાઈ માગ

રાજ્યમાં કોરોના વાયરસના સંભવિત નવા વેરિઅન્ટની સ્થિતિ અંગે આરોગ્ય વિભાગ વિવિધ સજ્જતા દર્શાવી રહ્યું છે પરંતું ભાવનગર શહેરમાં લોકોને કોરોનાની વેક્સિન લેવા માટે ધરમ ધક્કા ખાવા પડી રહ્યાં છે. શહેરમાં છેલ્લા છ દિવસથી વેક્સિનનો સ્ટોક સંપૂર્ણપણે પૂર્ણ થઈ ગયો છે 

ભાવનગરમાં લોકોને વેક્સિન માટે હાલાકી 
ભાવનગરમાં ચીનથી આવેલા પરિવારમાં કોરોના પોઝિટિવ આવ્યો છે તેને લઈને તંત્ર પણ દોડતું થયું છે આમ તો ભાવનગર શહેરના આરોગ્ય કેન્દ્ર અને હેલ્થ સેન્ટરો પર રૂટિંગ ચેકઅપ થતું હોય છે પરંતુ છેલ્લા છ દિવસથી તમામ કેન્દ્ર પર કોવિડ વેક્સિનેશન સંપૂર્ણપણે સ્થગિત હોય તેવું જણાઈ રહ્યું છે. જેના કારણે શહેરીજનો આરોગ્ય કેન્દ્ર પર ધરમ ધક્કા ખાઈને પરત જઈ રહ્યા છે 

આરોગ્ય વિભાગના અધિકારી શું કહ્યું
આ બાબતે ભાવનગર શહેરના આરોગ્ય વિભાગના અધિકારી આર કે સીના કહ્યું કે,  રાજ્ય સરકારને પત્ર લખ્યો છે કે, વેક્સિનનો જથ્થો વહેલી તકે આપવામાં આવે તેવી માંગ કરવામાં આવી છે.  ભાવનગર શહેરમાં અઢી લાખથી વધુ લોકોને હજી પણ બુસ્ટર ડોઝ લેવાનો બાકી છે. જો આગામી દિવસોમાં ઝડપથી વેક્સિનેશન શરૂ કરવામાં નહીં આવે તો શહેરમાં કોરોનાનું સંક્રમણ વધે તો નવાઈ નહીં 

અઢી લાખ લોકોને બુસ્ટર ડોઝ લેવાનો બાકી
બીજી તરફ શહેરમાં હજી પણ અઢી લાખ લોકોને બુસ્ટર ડોઝ લેવાનો બાકી છે જો સમયસર વેક્સિનેશન શરૂ કરવામાં નહીં આવે તો ભાવનગરમાં ધીમી ગતિએ કોરોના પગ પેસારો કરશે તેવી ભિંતી લોકોને સતાવી રહી છે.