રસ્તામાં ઠેર-ઠેર ખાડા અને ગટરના ખુલ્લા કહેવાતા ઢાંકણા, રખડતા ઢોર અને ટ્રાફિક સહિતની અવ્યવસ્થાઓ ભાવેણાની આગવી ઓળખ.આવા જ વહીવટી તંત્રના પાપે એક યુવકે જીવ ગુમાવવાનો વારો આવ્યો
ભાવનગર મહાપાલિકાનો અણઘડ વહીવટ
બાઈક સાથે ખુલ્લા ખાડામાં યુવક ખાબક્યો
યુવકને ગંભીર ઈજાઓ બાદ નીપજ્યું મોત
ભાવનગરમાં ભાજપ શાસિત મહાનગર પાલિકાનો વહીવટ બીલકુલ અણઘડ ને નઘરોળ છે .રસ્તામાં ઠેર-ઠેર ખાડા અને ગટરના ખુલ્લા કહેવાતા ઢાંકણા, રખડતા ઢોર અને ટ્રાફિક સહિતની અવ્યવસ્થાઓ ભાવેણાની આગવી ઓળખ છે. આવા જ વહીવટી તંત્રના પાપે એક યુવકે જીવ ગુમાવવાનો વારો આવ્યો છે.
ભાવનગરના ફુલસર વિસ્તારમાં એક યુવક બાઇક સાથે ખાડામાં પડ્યો હતો. ખુલ્લા ખાડામાં પડેલા યુવકને ગંભીર ઈજાઓ થતા તેને સ્થાનિક સર ટી. હોસ્પીટલમાં સાર્વારાથે ખસેડાયો હતો. જ્યાં યુવકનું મોત નીપજ્યું હતું.
શહેરનાં માર્ગો અને અતરીયાળ રસ્તાને જોડતા માર્ગો પર ખુલ્લા પડેલા ખાડાનાં કારણે સ્થાનિકો ત્રાહિમામ પોકારી ઉઠ્યા છે. યુવકનો જીવ જવો એ પણ મહાનગર પાલિકાની અવ્ય્વાસ્થાનું જ પરિણામ હોવાની વાત નાગરિકોમાં ચર્ચાઈ રહી છે.