બનાસકાંઠાનાં છેવાડાનાં ગામોમાં બાળકોને નથી સુવિધા લીમડા નીચે કરે છે અભ્યાસ 

ગતિશીલ ગુજરાતમાં ભણશે ગુજરાતના નારા લગાવતા મંત્રીઓની વરવી વાસ્તવિકતા સામે આવી છે. જ્યાં જોઈને સવાલ થાય છે કે આને શાળા કહેવી ખંડેર?

બનાસકાંઠા જિલ્લાના છેવાડાના ગામડાઓમાં બાળકોને ભણવા માટે કોઈ સુવિધા ન હોવાનું સામે આવ્યું છે. જ્યાં તમે પણ જોઈને કહેશો કે સરકાર પ્રવેશોત્સવ કન્યા કેળવણી સહિતના કાર્યક્રમો બંધ કરી જરા આ શાળાની મરામત કરે.

સુઈગામ તાલુકાની રામનગરની શાળામાં ઓરડાઓ ન હોવાથી બાળકો બહાર બેસીને ભણે છે. લીમડાના વૃક્ષ નીચે બાળકો શિક્ષણ લઈ રહ્યા છે. લીમડાના વૃક્ષ પર બ્લેક બોર્ડ લટકાવીને શિક્ષકો બાળકોને ભણાવી રહ્યા છે. 

શિક્ષકોને જર્જરીત ઓરડાઓ જોઈને ડર લાગે કે બાળકોને કેવી રીતે ભણાવવા આ ઓરડામાં. સમગ્ર ઘટનાથી અધિકારીઓ અજાણ છે. 

બીજી તરફ મધ્યાહન ભોજન પણ બંધ હાલતમાં હોવાથી બાળકોને મધ્યાહન ભોજન પણ મળતુ નથી અને શાળામાં પ્રાથમિક સુવિધાનો પણ અભાવ છે. ત્યારે અહી સવાલ થાય છે આવી રીતે ભણશે ગુજરાત?