રાજ્યભરમાંથી વાહનો પર જોખમી મુસાફરી કરીને શાળાએ જતા વિદ્યાર્થીઓના વીડિયો સામે આવી રહ્યા છે. ત્યારે બનાસકાંઠામાં પણ વિદ્યાર્થીઓની જોખમી સવારીનો વીડિયો સામે આવ્યો છે. શાળાએથી છૂટ્યા બાદ બાળકો જીપની ઉપર અને પાછળ લટકીને જોખમી મુસાફરી કરી રહ્યા છે. એક જીપમાં 30 જેટલા બાળકો જોખમી મુસાફરી કરતા હોવાના દ્રશ્યો સામે આવ્યા છે. જોકે આ દ્રશ્યો બતાવી રહ્યા છે કે રાજ્યમાં સરકારી બસો કેટલી દોડી રહી છે.. અહીં સરકારી બસના રૂટ વધારવાની જરૂર છે. આ દ્રશ્યો પર સરકારે પણ એક નજર કરવી જોઈએ. આ વિદ્યાર્થીઓને અભ્યાસ કરવો છે. પણ અભ્યાસ માટે દરરોજ આ રીતે જોખમી મુસાફરી કરવી પડે છે.