સંબંધોને લજવતો કિસ્સો / આણંદમાં દોઢ વર્ષથી 13 વર્ષની પુત્રી પર દુષ્કર્મ આચરતો હતો પિતા, ગર્ભવતી થઈ તો જે કર્યું તે જાણી ધ્રુજી ઊઠશો

• આણંદના ભાલેજ ઉટખરી ગામમાં નરાધમ પિતાની કરતૂત 
• પિતાએ દોઢ વર્ષ સુધી પુત્રી પર ગુજાર્યો બળાત્કાર
• પુત્રી ગર્ભવતી થતાં કરાવ્યા બાળલગ્ન

દીકરી વ્હાલનો દરિયો. દીકરી તો કાળજાનો કટકો. તેમાં  પણ પિતા માટે તો દીકરી એટલે દિકરા બરાબર.  મા દીકરીને બે શબ્દ બોલે પણ બાપ દીકરીને ખસ પણ ન કહે. બાપ દીકરીના પવિત્ર સંબંધોને લાંછન લગાડતો એક કિસ્સો આણંદમાંથી સામે આવ્યો છે. અહીં હેવાન બાપે પોતાની દીકરી પર જ નજર બગાડી અને ગર્ભવતી થતાં તેના બીજે લગ્ન કરાવી દીધા. 

પિતાએ જ પોતાની દીકરી પર દુષ્કર્મ આચર્યું
સંબંધોની પવિત્રાને દાગ લગાડતો આ કિસ્સો આણંદના ભાલેજ ઉટખરી ગામનો છે. ભાલેજ ઉટખરીમાં પિતાએ જ પોતાની દીકરી પર દુષ્કર્મ આચર્યું હતું. પતિ-પત્ની વચ્ચે વિવાદ થતાં પત્ની રિસાઈને 11 વર્ષથી પિયરમાં જ રહેતી હતી. આરોપી પિતા 2 વર્ષ અગાઉ જ પોતાની પુત્રીને પોતાના ઘરે લાવ્યો હતો. જે બાદ બાપે ઘરમાં દીકરીની એકલતાનો ફાયદો ઉઠાવીને પોતાની 13 વર્ષની દીકરી પર જ નજર બગાડી હતી. 

માતાએ ભાલેજ પોલીસ મથકે નોંધાવી ફરિયાદ
પિતા દોઢ વર્ષથી પુત્રી પર દુષ્કર્મ આચરી રહ્યો હતો. જે બાદ દીકરી ગર્ભવતી થતાં પોતાનું પાપ છુપાવવા નરાધમે તેના બાળલગ્ન કરાવી દીધા હતા. લગ્નના 3 મહિના બાદ કિશોરીએ બાળકને જન્મ આપ્યો હતો. સમગ્ર મામલાની જાણ કિશોરીની માતાને થતાં તે ભાલેજ પોલીસ મથકે પહોંચી હતી. તેના પતિ વિરુદ્ધ ફરિયાદ નોંધાવી હતી. હાલ ભાલજ પોલીસે કિશોરીની માતાની ફરિયાદના આધારે નરાધમને ઝડપી પાડવાની તજવીજ હાથ ધરી છે.  

પરિણીતાને ખેતરમાં લઈ જઈ પાંચ શખ્સોએ ગુજાર્યું સામૂહિક દુષ્કર્મ
અત્રે ઉલ્લેખનીય છે કે, ગતરોજ મહેસાણા જિલ્લામાંથી સામૂહિક દુષ્કર્મની ઘટના સામે આવતાં ખળભળાટ મચી ગયો હતો. ઊંઝાના ભાખર ગામની સીમમાં પાંચ નરાધમોએ 24 વર્ષની પરિણીતા પર સામૂહિક દુષ્કર્મ આચર્યું હતું. નરાધમો પરિણીતાને રીક્ષા બેસાડીને ભાખર ગામની સીમમાં લઈ ગયા હતા. અહીં એક ખેતરની ઓરડીમાં તેના પર સામૂહિક દુષ્કર્મ આચર્યું હતું. જેની પરિણીતા દ્વારા ફરિયાદ નોંધાવવામાં આવતા ઊંઝા પોલીસે તપાસ હાથ ધરી છે.