કોરોનાનો કહેર અમેરિકાને ખુવાંર કરી રહ્યો છે. અહીં આંકડા સતત વધી રહ્યા છે. અમેરિકામાં એક દિવસમાં 1900ના મોત થયા છે. જ્યારે 33727 નવા કેસ નોંધાયા છે. ન્યૂયોર્ક અમેરિકાનું એપિસેન્ટર બન્યું છે. અહીં સ્થિતિ સૌથી વધારે ખરાબ છે. જ્યારે અમેરિકામાં બેરોજગારોનો આંક 66 લાખે પહોંચી ગયો છે. જાણો, અમેરિકામાં કયા શહેરમાં શુ સ્થિતિ છે.
અમેરિકામાં ન્યૂયોર્કમાં સૌથી વધારે મોત
લોકો બચાવ માટે હથિયાર ખરીદી રહ્યા છે
66 લાખ લોકો બેકાર થઈ ગયા
વિશ્વમાં 1,604,718 કેસ નોંધાયા છે. ત્યારે અત્યાર સુધીમાં 95,735 લોકોના મોત નિપજ્યા છે. તેમજ 356,660 લોકો સાજા પણ થઈ ગયા છે. ત્યારે હાલ વિશ્વમાં 1,152,323 એક્ટિવ કેસ છે. સૌથી વધારે કેસ અમેરિકામાં નોંધાયા છે. અમેરિકામાં એક દિવસમાં 1900 લોકોના મોત નિપજતા હાલ મૃત્યુઆંક 16,697 થયો છે. જ્યારે એક દિવસમાં 33727 નવા કેસ નોંધાતા અહીં કુલ કેસ 468,887 થયા છે. ત્યારે સમગ્ર અમેરિકામાં માત્ર 25,928 લોકો સાજા થયા છે. હાલ અહીં એક્ટિવ કેસની સંખ્યા 426,262 છે. ટ્ર્મ્પના કહેવા પ્રમાણે અમેરિકામાં 20 લાખ લોકોના ટેસ્ટ કરવામાં આવ્યા છે. ટેસ્ટિંગ ઓપરેશન ખૂબ ઝડપથી કરવામાં આવી રહ્યું છે.
સમગ્ર અમેરિકામાંથી સૌથી વધારે કેસ અને મોત ન્યૂયોર્કમાં છે. અહીં અત્યાર સુધીમાં 161 504 કેસ અને 7,067 મોત થયા છે. કોરોનાના કારણે અમેરિકાની અર્થવ્યવસ્થાને કથળી ગઈ છે. અહીં પ્રાથમિક જરુરીયાતની વસ્તુઓની અછત સર્જાઈ છે કેમ કે રેસ્ટોરન્ટ અને રાશનની દુકાનો બંધ છે. આ પરિસ્થિતિને પહોંચી વળવા માટે સરકારે ફૂડ બેન્કના માધ્યમથી રાશન અને ખાવાની બીજી વસ્તુઓ આપવાની શરૂઆત કરી છે. 4 એપ્રિલ સુધીમાં અહીં 66 લાખ લોકોએ બેરોજગારીનું ભથ્થુ મેળવવા અરજી કરી છે.
એટલું જ નહીં અહીં લોકો ડિપ્રેશનનો શિકાર બની રહ્યા છે. લોકોમાં કોરોનાનો ભય ફેલાયો છે. અમેરિકામાં 19 લાખ બંદુકો લોકોએ ખરીદી છે. ઈતિહાસમાં બીજી વાર આવું બન્યુ છે. આ પહેલા વર્ષ 2013માં સ્કુલમાં થયેવા ગોળીકાંડ બાદ લોકોએ આમ કર્યુ હતું.
કોરોનાના ભયની અસર લોકોના માનસ પર જોવા મળી રહી છે. નાગરિકોના મન પર ભારે અસર થઈ રહી છે. ભવિષ્યમાં નાગરિક અસંતોષના કારણે અનિશ્ચિતતા વધી રહી છે. તેમને લાગે છે કે સરકાર દ્વારા તેમને મદદ નહીં મળે. જેના કારણે લોકો જરુરીયાતનો સામાન જથ્થા બંધ ખરીદી રહ્યા છે. સાથે સાથે મોટી સંખ્યામાં બંદુકો ખરીદવામાં આવી રહી છે. ઘણા અમેરિકનો તેમની સુરક્ષા માટે જેમનાથી તેમને કોરોનાનો ડર છે તેમના પર બંદુક તાકી હોય એવા અનેક કિસ્સા સામે આવ્યા છે. તંત્ર અમેરિકનોની આ માનસિકતાથી પરેશાન હોઈ બંદુકનું વેચાણ બંધ કરાવવા માંગે છે. પણ ટ્રમ્પની આ ઉદ્યોગપતિઓ સાથે સાંઠગાંઠ હોઈ તે શક્ય નથી.