અમદાવાદમાં ઘરના ઘરનું સપનું બન્યુ મોંઘુંઃ છેલ્લા એક વર્ષમાં કન્સ્ટ્રકશનમાં રો-મટીરીયલના ભાવમાં વધારો થતાં ઘરનું ઘર મોંઘુ થશે
અમદાવાદમાં મકાનોની ઈન્કવાયરીમાં વધારો
રૉ-મટિરિયલના ભાવમાં વધારો થતા મકાનો મોંઘા
નવા પ્રોજેક્ટોમાં ઘટાડો
કોરોના કાળમાં સીમેન્ટ,લોખંડના ભાવ અને લેબર કોસ્ટમાં વધારો થતાં ઘરનું ઘર મોંઘુ બન્યું છે. ગત વર્ષે કોરાનાના કારણે લાગેલા લોકડાઉન બાદ અનલોક શરુ થતાં ગુજરાત રીએલ એસ્ટેટમાં ઇન્કવાયરી જોવા મળી હતી અને લોકડાઉન બાદ ઘણા પ્રોજેક્ટમાં બુકિંગ થયા અને વેચવાલી થઇ. જોકે છેલ્લા એક વર્ષમાં કન્સ્ટ્રકશનમાં રો-મટીરીયલના ભાવમાં વધારો થતાં ઘરનું ઘર મોંઘુ થયું. સીમેન્ટના ભાવમાં 35 ટકા તથા લોખંડના ભાવમાં 75 ટકાનો વધારો થયો સાથે જ લેબર કોસ્ટમાં પણ 35 ટકા વધવાના કારણે મકાનોની કિંમત વધી છે.
આ સિવાય સરકાર એફએસઆઈ માટે જંત્રી મુજબના પ્રિમિયમ વસૂલ કરતાં મકાનોના ભાવ વધ્યા છે. દોઢ વર્ષની સરખામણીએ નવા પ્રોજેક્ટ મુકાવવાની સંખ્યામાં પણ ઘટાડો જોવા મળી રહ્યો છે. રેરા અને બાંધકામ માટેની અલગ અલગ પરવાનગી મેળવવા માટે ડેવલપરને વધારે સમય લાગતાં તથા 22 માળ 14 માળ જેવા મોટા પ્રોજેકટમાં પજેશન સમય લંબાઇ જતાં વ્યાજનો દર ડેવલપરના માથે આવે છે જેના પગલે પણ મકાનો મોંઘા બન્યા છે.