યુવતી સાથે શારીરિક સંબંધની લાલચ આપીને અલગ અલગ ચાર્જ પેટે રૂપિયા પડાવતી ગેંગની અમદાવાદ સાયબર ક્રાઇમે ધરપકડ કરી છે. જેમાં આરોપીઓએ કોલ સેન્ટર ઉભું કર્યાનું પણ ખૂલ્યું છે.
અમદાવાદમાં શારીરિક સંબંધના નામે લોકો સાથે છેતરપીંડી
હાઇપ્રોફાઇલ યુવતીઓ સાથે શારીરિક સંબંધની આપાતા લાલચ
ડમી યુવતીઓ ફોન કરી ગ્રાહકને ફસાવતી
અમદાવાદમાં શારીરિક સંબંધની લાલચ આપી છેતરપીંડી કરતાં આરોપી કમલ ઉર્ફે કિશન વાઢવાની, ચિરાગ ગુપ્તા, દેવદત્ત ઉર્ફે દેવભાઈ જાદવ, ભાવેશ પરમાર, મોન્તિ કેવલાની, અનિકેત ખેરનાર અને મહિલા આરોપી કિશોરી જોષી સહીતની ગેંગની અમદાવાદ સાયબર ક્રાઇમ દ્વારા ધરપકડ કરવામાં આવી છે. આરોપીઓ હાઇ પ્રોફાઈલ યુવતીઓ સાથે શારીરિક સંબંધની લાલચ આપીને ડમી યુવતી સાથે વાતચીત કરાવી હોટલ તથા બીજા ચાર્જ પેટે રૂપિયા પડાવી લેતા હતા. આ ગેંગનો માસ્ટર માઈન્ડ કમલ વાઘવાણી હોવાનું પોલીસ તપાસ દરમિયાન જાણવા મળ્યું છે. જે બાપુનગર હીરાવાડી ખાતે આવેલ સહજાનંદ એવન્યુમાં આં કોલ સેન્ટર ચલાવતો હતો.
છેતરપીંડી આચરનાર ગંગેની થઇ ધરપકડ
મુખ્ય આરોપી કેટલાક યુવકોને નોકરીએ રાખીને આ કોલ સેન્ટર ચલાવતો હતો. જે અલગ અલગ વેબસાઈટ પર પોતાના મોબાઇલ ફોન રજીસ્ટર કરાવતો અને જે પણ ગ્રાહક આં નંબર પર કોલ કરે ત્યારે તેની સાથે ફ્રેનડશીપ કેળવી લોભામણી વાતો કરીને શારીરિક સંબંધની લાલચ આપતો હતો ત્યારબાદ હોટલ તેમજ અન્ય ચાર્જ પેટે ગૂગલ પે અથવા ફોન પે મારફતે લોકો પાસેથી રૂપિયા પડાવી લેતા હતા. આ ગેંગમાં એક મહિલા આરોપીની પણ ધરપકડ કરવામાં આવી છે. જે મહિલા આરોપી ડમી યુવતી બનીને ગ્રાહકો સાથે વાતચીત કરતી હતી. હાલમાં પોલીસએ આરોપીઓની ધરપકડ કરીને 17 મોબાઈલ, અલગ અલગ કંપનીના સીમ કાર્ડ સહિતનો મુદ્દામાલ કબ્જે કર્યો છે.
અમદાવાદ ક્રાઇમ બ્રાંચે કર્યો રેકટનો પર્દાફાશ
પોલીસ તપાસમાં જાણવા મળ્યું છે કે આરોપીઓએ સમગ્ર દેશમાં અનેક લોકો પાસેથી આ રીતે રૂપિયા પડાવ્યા છે. જ્યારે કમલ વાઘવાણી નામનો આરોપી અગાઉ પણ ગાંધીનગરમાં આં પ્રકારે કોલ સેન્ટર ચલાવતો હતો. અને પોલીસના હાથે ઝડપાઈ ચૂક્યો છે. ત્યારે આ રેકેટમાં અન્ય કોઈ વ્યક્તિની સંડોવણી છે કે નહીં તે મુદે પોલીસ દ્વારા તપાસના ચક્રો ગતિમાન કરવામાં આવ્યા છે.