ક્રાઈમ / પૂર્વ પ્રેમીકાનું અપહરણ કરીને યુવકે ન કરવાનું કરી નાખ્યું, રાજસ્થાનમાં યુવતીને ગોંધી રાખી તેની સાથે...

• અમદાવાદમાં પૂર્વ પ્રેમીએ પ્રેમીકા સાથે આચર્યું દુષ્કર્મ 
• અપહરણ કરીને યુવતી સાથે આચર્યું દુષ્કર્મ 
• રાજસ્થાનમાં લઈ જઈ યુવતીને ગોંધી રાખીને આચર્યું દુષ્કર્મ 

અમદાવાદમાં પૂર્વ પ્રેમીએ યુવતીનું અપહરણ કરીને તેના સાથે દુષ્કર્મ આચર્યું હોવાનો બનાવ સામે આવ્યો છે. આરોપી યુવકનું નામ ધર્મેન્દ્ર હોવાનું સામે આવ્યું છે. પૂર્વ પ્રેમીકાને પામના માટે પ્રેમીએ છરીની અણીએ યુવતીનું પહેલાતો અપહરણ કર્યું હતું. જેમા સૌથી પહેલા તો પ્રેમીએ તેને મળવા બોલાવી હતી 

આરોપી અપહરણ કરી રાજસ્થાન લઈ ગયો 

આરોપીએ યુવતીને બોલાવી હતી જેથી તે તેને મળવા ગઈ ત્યારે તેને ખ્યાલ પણ ન હતો કે તેનો પૂર્વ પ્રેમી તેનું અપહરણ કરવાનો છે. જેવી યુવતી ત્યા પહોચી કે યુવક તેને છરીની અણીએ રાજસ્થાનમાં લઈ ગયો જ્યા તેણે તેની સાથે દુષ્કર્મ આચર્યું હતું.

પોલીસે કર્યો યુવતીનો બચાવ 

દુષ્કર્મં આચર્યા બાદ પ્રેમીએ યુવતીને એક બંધ મકાનમાં ગોંધી રાખી હતી. જોકે તેને તક મળતાજ તે ત્યાથી ફરાર થઈ ગઈ અને તેણે તેના પિતાનો સંપર્ક કર્યો હતો. પિતાએ પોલીસને જાણ કરી જેથી પોલીસની ટીમ રાજસ્થાન પહોચી અને તેમણે યુવતીનો સહી સલામત રીતે બચાવ કર્યો હતો. 

આરોપી યુવતીના ભાઈનો મિત્ર 

ભોગ બનનાર યુવકી એરહોસ્ટેસનો અભ્યાસ કરે છે. યુવતીનો પૂર્વ પ્રેમી તેના ભાઈનોજ મિત્ર હતો. તે ઘરે આવતો રહેતો હતો જેથી બંને વચ્ચે પ્રેમ થયો હતો. પિતાને આ વાતનો ખ્યાલ આવી જતા યુવતીનો તેના પિતા સાથે ઝઘડો થયો અને બાદમા તે અલગથી તેની સાથે રહેવા જતી રહી હતી. જોકે બાદમાં બંનેનું બ્રેકઅપ થતા તેઓ અલગ થઈ ગયા હતા. 

આરોપી ધરાવે છે ગુનાહિત ઈતિહાસ 

ઉલ્લેખનીય છે કે યુવતીએ તેના પિતાની પસંદના યુવક સાથે લગ્ન કરવાનું વિચાર્યું જેને લઈને પૂર્વ પ્રેમી ધર્મેન્દ્રએ તેનું અપહરણ કરી તેની સાથે દુષ્કર્મ આચર્યું હતું. સમગ્ર મામલે પોલીસ તપાસમાં સામે આવ્યું છે કે આરોપી ધર્મેન્દ્ર ગુનાહિત ઈતિહાસ ધરાવે છે. અગાઉ પણ તેની સામે દુષ્કર્મનો ગુનો નોંધાયો હતો. જેથી પોલીસે હવે તેની સામે ગુનો નોંધીને કાયદેસરની કાર્યવાહી હાથ ધરી છે.