મોટી ગફલત / લ્યો બોલો: ટેક્સ ધારકના ખાતામાં રહેલા રૂપિયા અન્ય વ્યક્તિના ખાતમાં જતા રહ્યા, AMC ટેક્સ વિભાગની મોટી ગફલત

• એએમસી ટેક્સ વિભાગની મોટી ગફલત સામે આવી 
• ટેક્સ ધારકના ખાતામાં રહેલા રૂપિયા અન્ય ટેક્સ ધારકના ખાતામાં
• ભૂલ છે કે કૌભાંડ તેને લઈને તપાસના આદેશ 

અમદાવાદ મ્યુનિસીપલ કોર્પોરેશન અવાર નવાર વિવાદમાં આવે છે. ત્યારે વધુમાં ફરી એક નવો વિવાદ સામે આવ્યો છે. AMCના ટેક્સ વિભાગની મોટી ગફલત સામે આવી છે. જેના કારણે AMC ફરી ચર્ચામાં આવી છે. ગઈકાલે પણ એએમસીના અડધણ વહિવટનો એક બનાવ સામે આવ્યો હતો. જેમા જનતા માટે બનાવેલ પાર્કિગ પ્લોટમાં એએંમસી દ્વારા બિલ્ડીંગ બનાવામાં આવી રહ્યુંવ હતું ત્યારે આજે ફરી ટેક્સ વિભાગની ગફલત સામે આવી છે. 

અન્ય વ્યક્તિના ખાતામાં રકમ થઈ ટ્રાન્સફર 

બનાવની જો વાત કરવામાં આવે તો ટેક્સ ધારકના ખાતાની રકમ અચાનકથી અન્ય ટેક્સ ધારકના ખાતામાં જતી રહી. જેથી આ મુદ્દો હાલ ચર્ચાનું કેન્દ્ર બની ગયો છે. લોકોના મનમાં સવાલ એ થઈ રહ્યો છે કે આ કોઈ પ્રકારની ભૂલ થઈ છે કે કોઈ પ્રકારનું કૌભાંડ છે જેથી તેને લઈને તપાસ કરવામાં આવશે. કારણકે આટલી મોટી કોઈ કેવી રીતે કરી શકે તે સવાલ લોકોના મનમાં ઉઠી રહ્યો છે.

FSL ઓડિટની માગ કરવામાં આવી 

સમગ્ર મામલે રેવન્યુ કમિટીના ચેરમેને કમિશનરને પત્ર લખી FSLઓડિટની માગ કરી છે. કારણકે આ જે બનાવ બન્યો છે. તે વોટર ઈન્સ્પેક્ટરના ID અને પાસવર્ક વગર શક્ય ન બની શકે. જેથી આ બનાવને લઈને તંત્ર સામે ગંભીર સવાલ ઉઠી રહ્યા છે. જેથી હવે આ મામલે ઉંડાણ પૂર્વક તપાસ પણ કરવામાં આવશે. 

બનાવને લઈને લોકોના મનમાં ઉઠ્યા ગંભીર સવાલ 

ઉલ્લેખનીય છે કે ટેક્સ ઘારકના ખાતમાં રહેલી રકમ અન્ય ટેક્સ ધારકના ખાતમાં કેવી રીતે જતી રહી તેને લઈને લોકો હેરાનમાં મુકાઈ ગયા છે. જેથી એએમસીના ટેક્સ વિભાગની આ મોટી ગફલતને લઈને તંત્ર સામે ગંભીર સવાલો પણ ઉઠ્યા છે. જેથી આ સમગ્ર મામલે હવે રેવન્યું કમિટીના ચેરમેને કમિશનરને પત્ર લકીને FSL ઓડિટની માગ કરી છે.