ગુનો / ચકચારી ઘટના: અમદાવાદમાં નરાધમે સગીરાને બે વાર પ્રેગ્નેન્ટ કરી, ત્રીજી વાર પણ એજ કૃત્ય કર્યું અને... 

• અમદાવાદમાં યુવતી સાથે વારંવાર દુષ્કર્મ
• બે વખત ગર્ભવતી બનાવી હોવાની ફરિયાદ
• લગ્નની લાલચ આપીને આચરાતું હતું દુષ્કર્મ

અમદાવાદ શહેરમાં મહિલા દિવસે જ વાસણા વિસ્તારમાં રહેતી એક યુવતીને લગ્નની લાલચ આપીને તેની સાથે શારીરિક સંબંધો બાંધી ત્રણ વખત દુષ્કર્મ આચરાયું હોવાની ઘટના સામે આવતાં ભારે ચકચાર મચી જવા પામી છે.  

અમદાવાદમાં લગ્નની લાલચ આપીને યુવતી સાથે વારંવાર દુષ્કર્મ

આ અંગે પોલીસ સુત્રોના જણાવ્યા અનુસાર અમદાવાદ શહેરના વાસણા વિસ્તારમાં રહેતી એક યુવતીને એક યુવકે લગ્નની લાલચ આપીને વારંવાર શારીરિક સંબંધો બાંધી બે વાર ગર્ભવતી બનાવી યુવકે પોતાની હવસ સંતોષી હતી. બાદમાં યુવકે યુવતીએ ગર્ભપાત કરવા માટે દબાણ કર્યું હતું. જેને લઈને યુવતી બે વાર ગર્ભપાત કરાવ્યા પછી પણ યુવકે સાથે શારીરિક સંબંધો ચાલું રાખ્યા હતા. દરમિયાન ત્રીજી વાર પણ આ સંબંધોને કારણે ગર્ભવતી થઈ ગઈ હતી. 

વાસણા પોલીસ સ્ટેશનમાં આરોપી સામે ગુનો નોંધાયો

આ વખતે પણ પ્રેમીએ ગર્ભપાત માટે દબાણ કર્યું હતું. પરંતુ પુખ્ત થયેલી યુવતીએ  યુવક દ્વાર વારંવાર ગર્ભપાત માટે દબાણ કરતાં વાસણા પોલીસ સ્ટેશનમાં ફરિયાદ કરી છે. આ અંગેની જેથી પોલીસે 23 વર્ષીય યુવતીની ફરિયાદ લઈને આરોપી સામે ગુનો નોંધ્યો હતો. અને કાયદેસરની કાર્યવાહી હાથ ધરી છે.