અમદાવાદના વટવામાં એક મહિલાએ નશાની હાલતમાં આખી રાત ધમાલ મચી હતી. આ ઘટનાના સીસીટીવી ફૂટેજ પણ સામે આવ્યાં છે.
અમદાવાદના વટવામાં મહિલાનો આતંક
ડ્રગ્સના નશામાં આખી રાત મચાવી ધમાલ
બિલ્ડરની ઓફિસ અને દુકાનોમાં કરી તોડફોડ
અમદાવાદમાં વટવા વિસ્તારમાં એક મહિલાએ શરમજનક કાંડ કર્યો છે. એમડી અને ટેનગોલી ખાઈ જતા એક મહિલાને બરોબરનો નશો ચડ્યો હતો અને નશામાં તે ભાન ભૂલી હતી અને પછી તેણે જે આતંક મચાવ્યો છે તેનાથી તો તોબા તોબા.
બિલ્ડરની ઓફિસમાં ઘુસીને કરી તોડફોડ
શુ્ક્રવારે રાતે વટવામાં એક મહિલાએ નશાની હાલતમાં રીતસરનો આતંક મચાવ્યો હતો. નશાની હાલતમાં મહિલા પહેલા એક બિલ્ડિરની ઓફિસમાં ઘુસી ગઈ હતી અને ત્યાં તોડફોડ મચાવી હતી. તેણે ઓફિસના કાચ તોડી પાડ્યા હતા.
દુકાનોમાં ઘુસીને કરી તોડફોડ, કાનના કીડા ખરે પડે તેવી ગાળો ભાંડી
ત્યાર બાદ મહિલાએ તે જ બિલ્ડિગમાં જેટલી પણ દુકાનો હતી ત્યાં જઈને પણ તોડફોડ મચાવી હતી અને વેપારીઓને મા-બેન સમાન ગાળો ભાંડી હતી. તેનો આતંક જોતા લોકો પણ ડરી ગયા હતા.
કારખાનામાં પણ આતંક મચાવ્યો
આટલું કર્યા બાદ પણ જાણે ધરાણી ન હોય તેમ આરોપી મહિલા એક કારખાનામાં પણ ઘુસી ગઈ હતી અને ત્યાં પણ ઉત્પાત મચાવ્યો હતો.
જનતા પર પથ્થરમારો, ઘણા લોકોને નાની મોટી ઈજાઓ
આરોપી મહિલાએ લોકો પર પણ પથ્થરમાર્યો હતો જેમાં ઘણા લોકોને ઈજા પહોંચી હતી. મહિલાના આતંકથી તંગ આવેલા સ્થાનિકોએ પોલીસને પણ જાણ કરીહતી.
પોલીસ પર પણ કર્યો હુમલો
આરોપીએ મહિલા નારોલ પોલીસ પર પણ હુમલો કર્યો હતો અને કોમ્પ્યુટરની તોડફોડ કરી હતી.
ઘટનાના સીસીટીવી ફૂટેજ સામે આવ્યાં
મહિલાના આતંકના સીસીટીવી ફૂટેજ પણ સામે આવ્યાં છે. પોલીસે હવે આ કેસમાં કડક કાર્યવાહી કરવાનું જણાવ્યું છે.