અમદાવાદમાં આગામી સમયમાં વધુ 32 ઈલેક્ટ્રિક બસો દોડાવાવમાં આવશે. હાલ અમદાવાદમાં 18 ઈલેક્ટ્રિક બસ દોડી રહી છે અને એક મહિના બાદ કુલ 50 બસો દોડશે. શહેરમાં પ્રદૂષણ ઘટાડવા માટે AMC દ્વારા આ નિર્ણય લેવામાં આવ્યો હતો. જેમાં 50 બસનો કોન્ટ્રાક્ટ આપવામાં આવ્યો હતો. જેમાંથી 18 બસ શહેરમાં દોડાવાઈ રહી છે.
આ સાથે જ AMCએ વધુ 300 બસનું ટેન્ડર પાસ કર્યું છે. આ 300 બસનો ઓર્ડર ટાટા મોટર્સને આપવામાં આવ્યો છે. આ મામલે મેયર બિજલ પટેલ અને મ્યુનિસિપલ કમિશનર વિજય નેહરાએ કહ્યું કે, શહેરમાં પ્રદૂષણ ઘટાડવા માટે આ નિર્ણય લેવામાં આવ્યો છે. આ બસ દોડવાથી નોઈઝ પોલ્યૂશન પણ ઘટશે.