મેગા સર્ચ / અમદાવાદમાં IT વિભાગના 200 અધિકારીઓએ AGL કંપનીની 40 જગ્યાઓએ કરી રેડ, 10 કરોડ કેશ મળી, 12 લોકર કરાયા સીઝ

• અમદાવાદમાં AGL કંપની પર આઇટી વિભાગની રેડ
• કંપની સંચાલકોની 40 સ્થળોએ સર્ચ ઓપરેશન 
• કંપનીની ઓફિસો તેમજ પરિવારના સભ્યોના ત્યાં પણ કરાઇ તપાસ

અમદાવાદમાં ITએ મેગા ઓપરેશન હાથ ધર્યું છે. આજ વહેલી સવારથી ટાઇલ્સ ઉત્પાદક એશિયન ગ્રેનિટો ઇન્ડિયા લિ. પર ITના દરોડા પાડવામાં આવ્યા છે. શહેરમાં એક સાથે 40 જગ્યાએ ITની રેડ પાડવામાં આવી. શહેરના ઇસ્કોન ચોક પાસે આવેલી કોર્પોરેટ ઓફિસ પર ITએ તપાસ હાથ ધરી છે. તો બીજી બાજુ હિંમતનગરની ફેક્ટરી પર પણ દરોડા પાડવામાં આવ્યા છે.

કઈ કઈ જગ્યાએ ચાલી રહી છે તપાસ?
સમગ્ર દરોડા મામલે મળતી માહિતી મુજબ AGL કંપની તેમજ પરિવારના સભ્યોની અમદાવાદની 30 જગ્યાઓ સર્ચ ઓપરેશન ચાલુ છે. જ્યારે રાજ્યમાં અન્ય 10 સ્થળો  મોરબી, હિંમતનગર, સુરતમાં પણ તપાસ ચાલી રહી છે. ફાઈન્સર સંકેત સાહ ,રુચિત શાહ ,દિપક શાહ, સેજલ શાહ તેમજ પરીવારના સભ્ય ,કમલેશ પટેલ, મુકેશ, ભાવેશ સુરેશ પટેલ ત્યા પણ રેડની કાર્યવાહી થઈ છે. તેમજ નારાયણ નગર પાલડી ખાતેની ઓફિસ તેમજ અદાણી શાતીગ્રામ ખાતે agl માલીકના રહેઠાણ પર પણ તપાસ ચાલી રહી છે.

રેડમાં શું શું મળ્યું?
આ ઈન્કમ ટેક્સના મેગા ઓપરેશનમાં અત્યાર સુધી 10 કરોડ કેસ, 12 લોકરો મળી આવ્યા છે. નૂતન નાગરિક બેન્ક સહકારી બેન્ક, HDFC બેન્ક, બોમ્બે મર્કનટાઈલ બેન્કના સહિત તમામ લોકર સીજ કરવામાં આવ્યા છે.કેશના બદલે ફાયન્સરો પાસેથી બેન્કમા નાણાની એન્ટ્રી મળી આવી કે લોન, રોકાણ, શેર ઇન્વેસ્ટ,બોગસ પરચેસ બિલો, નામે એન્ટ્રીઓ લીધી હોવાનો પણ ખુલાસો થયો છે.અનએકાઉન્ટ એન્ટ્રીઓ માટે કેશ આપીને બેન્ક એન્ટ્રી લઈ ગેરવ્યવહાર કર્યા હોવાનું બહાર આવ્યું છે.

200 અધિકારીઓ કરી રહ્યા છે સર્ચ
40 જગ્યા પર સર્ચ ઓપરેશન ચાલુ છે જેમાં 200 ઇન્કમટેક્સના  અધિકારીઓ રેડમા લાગેલા છે. મોટા પ્રમાણમા ગેરવ્યવહારો મળી આવે તેવી આશંકા સેવાઇ રહી છે. હજુ પણ બે દિવસથી વધારે તપાસ ચાલે તેવી શક્યતા છે.

એશિયન ગ્રેનિટો ઈન્ડિયા લિમિટેડ ભારતની સૌથી મોટી ટાઇલ્સ બનાવતી કંપનીઓમાની એક
વધુમાં તમને જણાવી દઇએ કે, એશિયન ગ્રેનિટો ઈન્ડિયા પર દરોડા પાડવામાં આવી રહ્યાં છે અને એનું મુખ્ય મથક (Gujarat) ગુજરાતમાં છે.  કમલેશ પટેલની માલિકીની એશિયન ગ્રેનિટો ઈન્ડિયા લિમિટેડ એ ભારતની સૌથી મોટી ટાઇલ્સ અને બાથવેર સોલ્યુશન્સ બ્રાન્ડ બનાવતી કંપનીઓમાની એક છે. મળતા અહેવાલ મુજબ, તપાસના અંતે મોટા પ્રમાણમાં બેનામી હિસાબો સામે આવે તેવી શક્યતાઓ પણ સેવાઈ રહી છે.