સરકારનો ખુલાસો / ભારતમાં પેટ્રોલના ભાવ ફક્ત 5 ટકા જ વધ્યા છે, બીજા દેશોની હાલત જુઓ-પેટ્રોલિયમ મંત્રી પુરી

• દેશમાં આસમાન આંબી રહેલા પેટ્રોલ-ડીઝલના ભાવ પર આવ્યું સરકારનું નિવેદન
• પેટ્રોલિયમ મંત્રી હરદીપ પુરીએ કહ્યું, US અને  UKની તુલનામાં ભારતમાં ઓછો ભાવવધારો 
• 15 દિવસમાં પેટ્રોલ 9.20 રુપિયા મોંઘું

પેટ્રોલ-ડીઝલના ભાવ સતત વધી રહ્યા છે. આ મુદ્દે આજે સંસદમાં સરકારને સવાલ કરવામાં આવ્યો ત્યારે પેટ્રોલિયમ મંત્રી હરદીપસિંહ પુરીએ જવાબ આપતા અમેરિકા અને યુકેમાં પેટ્રોલ-ડીઝલના ભાવ વધારા સાથે ભારતના ભાવવધારાની તુલના કરી હતી.

In aftermath of Russia-Ukraine war, petrol prices in India have gone up by merely 5 per cent as against over 50 per cent in some of developed countries: Petroleum Minister Hardeep Singh Puri in Lok Sabha

— Press Trust of India (@PTI_News) April 5, 2022

અમેરિકા અને બ્રિટનની તુલનામાં ભારતનો ભાવવધારો ફક્ત 5 ટકા-પુરી  
હરદીપ સિંહ પુરીએ કહ્યું કે, "મારા મતે ભારતમાં પેટ્રોલના ભાવમાં છેલ્લા બે અઠવાડિયામાં 5 ટકાનો વધારો થયો છે. કિંમતોમાં વધારો માત્ર ભારતમાં જ થયો નથી. એપ્રિલ 2021 થી માર્ચ 2022ની વચ્ચે, પેટ્રોલના ભાવમાં અમેરિકામાં 51 ટકા, કેનેડામાં 52 ટકા, જર્મનીમાં 55 ટકા, યુકેમાં 55 ટકા, ફ્રાન્સમાં 50 ટકા અને સ્પેનમાં 58 ટકાનો વધારો થયો છે, "પુરીએ આજે લોકસભામાં આ વિષય પરના એક પ્રશ્નના જવાબમાં જણાવ્યું હતું.

છેલ્લા બે સપ્તાહમાં પેટ્રોલ-ડીઝલના ભાવમાં 9.20 રુપિયાનો વધારો 
છેલ્લા બે સપ્તાહમાં ઓઈલ કંપનીઓએ પેટ્રોલ-ડીઝલના ભાવમાં ધીમે ધીમે વધારો કર્યો છે. સરકારી તેલ કંપનીઓ લગભગ દરરોજ પેટ્રોલ અને ડીઝલના ભાવમાં થોડો વધારો કરીને સામાન્ય માણસને ભાવ આંચકો આપી રહી છે. છેલ્લા બે સપ્તાહમાં ઈંધણના ભાવ પેટ્રોલના ભાવમાં 9 રૂપિયા 20 પૈસા પ્રતિ લીટરનો વધારો કરવામાં આવ્યો છે. બે અઠવાડિયામાં પેટ્રોલ અને ડીઝલના ભાવમાં 13 વખત વધારો થયો છે.

મંગળવારે બન્ને ઈંધણના ભાવમાં 80-80 પૈસાનો વધારો 
ઓઇલ કંપનીઓએ મંગળવારે પેટ્રોલ અને ડીઝલના ભાવમાં 80-80 પૈસાનો વધારો કર્યો છે. ઈન્ડિયન ઓઈલ કોર્પોરેશન (આઈઓસીએલ)ના લેટેસ્ટ અપડેટ મુજબ રાષ્ટ્રીય રાજધાનીમાં પેટ્રોલ હવે 104.61 રૂપિયા પ્રતિ લીટર થઈ ગયું છે જ્યારે ડીઝલ 95.87 રૂપિયા પ્રતિ લીટર થઈ ગયું છે. મુંબઈમાં હવે પેટ્રોલ 119.67 રૂપિયા પ્રતિ લીટર અને ડીઝલ 103.92 રૂપિયા પ્રતિ લીટરે વેચાઈ રહ્યું છે.