લડાઈમાં બંને છોકરાઓ એવી રીતે લડ્યા કે એક છોકરાએ જીવ ગુમાવ્યો, મૃતક છોકરાની ઉંમર માત્ર 14 વર્ષની હતી
નજીવી બાબતે બે બાળકો વચ્ચે લડાઈ
બેલ્ટ અને ઈંટ વડે હુમલો કરતાં વિદ્યાર્થીનું મોત
લડાઈમાં 14 વર્ષના બાળકને જીવ ખોવાનો વારો આવ્યો
ઉત્તર પ્રદેશમાં વધુ એક હત્યાની ઘટના સામે આવી છે. જોકે આ ઘટનામાં એક 14 વર્ષના બાળકે જીવ ખોવાનો વારો આવ્યો છે. વિગતો મુજબ નજીવી બાબતે થયેલી લડાઈમાં આરોપી યુવકોએ તેને બેલ્ટ અને ઈંટ વડે માર માર્યો હતો. જોકે આ ઘટનામાં મૃતક યુવકને એટલે બધી ગંભીર ઇજાઓ પહોંચી હતી કે, હોસ્પિટલમાં સારવાર શરૂ થાય એ પહેલા જ તેનું કરું મોત થયું હતું.
ઉત્તર પ્રદેશના મુરાદાબાદમાં બે બાળકો વચ્ચેની લડાઈ મારામારીમાં ફેરવાઈ ગઈ છે. જે બાદમાં આ લડાઈમાં બંને છોકરાઓ એવી રીતે લડ્યા કે એક છોકરાએ જીવ ગુમાવ્યો. સ્થાનિક લોકોનું કહેવું છે કે મૃતક વિદ્યાર્થી ટ્યુશન ભણવા ગયો હતો. રસ્તામાં તેને છોકરાઓએ બોલાવ્યો અને ઝઘડો કરવા લાગ્યો. દરમિયાન બંને શખ્સોએ મોહમ્મદ રઝા નામના બાળકને બેલ્ટ અને ઈંટ વડે માર માર્યો હતો. આ દરમ્યાન રઝાના પરિવારના સભ્યો પણ તેને બચાવવા આવ્યા હતા પરંતુ તેની હાલત એટલી ગંભીર હતી કે હોસ્પિટલમાં સારવાર શરૂ થાય તે પહેલા જ તેણે જીવ ગુમાવ્યો હતો.
2 बच्चों के बीच में आपस में किसी बात को लेकर बहस के बाद मारपीट हुई जिसमें एक बच्चे की मृत्यु हो गई, बच्चे की उम्र 14 वर्ष है। शव को पोस्टमार्टम के लिए भेजा गया है, शिकायत दर्ज़ की गई है, मामले में संवैधानिक कार्रवाई की जा रही है: देश दीपक सिंह, CO मुरादाबाद, उत्तर प्रदेश (26.06) pic.twitter.com/pPazaE7PEL
મુરાદાબાદમાં મોહમ્મદ રઝા નામના વિદ્યાર્થીની હત્યા કરવામાં આવી હતી. હત્યાનો આરોપ અલીમ અને અઝીમ નામના છોકરાઓ પર છે. વિદ્યાર્થીને માર મારવામાં તેના સંબંધીઓ પણ જોડાયા હતા. આ દરમ્યાન અલીમ અને અઝીમે પણ મોહમ્મદ રઝા પર ઈંટ વડે હુમલો કર્યો હતો. તેના પેટ અને છાતી પર ઇંટો મારવામાં આવી હતી.
હોસ્પિટલમાં સારવાર મળે તે પહેલા જ મોત
મુંધપાંડે પોલીસ સ્ટેશન વિસ્તારમાં બનેલી આ ઘટનામાં ગંભીર ઇજાગ્રસ્ત વિદ્યાર્થીને સારવાર અર્થે નજીકની હોસ્પિટલમાં લઈ જવામાં આવ્યો હતો.
જોકે તેની ગંભીર હાલતને જોતા ડોક્ટરોએ તેને અન્ય હોસ્પિટલમાં રિફર કરી દીધો હતો. આ તરફ અન્ય હોસ્પિટલમાં સારવાર શરૂ થાય તે પહેલા જ રઝાનું મોત થયું હતું. આ પછી રઝાના પરિવારજનોએ પણ હોસ્પિટલમાં હોબાળો મચાવ્યો હતો. સમગ્ર મામલે પોલીસે પંચનામુ કરી લાશને પોસ્ટમોર્ટમ માટે મોકલી આપી હતી.
શુ કહ્યું મુરાદાબાદના સીઓ દેશ દીપક સિંહે ?
ઉત્તર પ્રદેશના મુરાદાબાદમાં બે બાળકો વચ્ચેની લડાઈ મારામારીમાં ફેરવાયા બાદ યુવકનું મોત થયું હતું. જેને લઈ મુરાદાબાદના સીઓ દેશ દીપક સિંહે કહ્યું કે, બે બાળકો વચ્ચે ઝઘડો થયો જેમાં એક બાળકનું મોત થયું છે. મૃતક બાળક 14 વર્ષનો છે. મૃતદેહને પોસ્ટમોર્ટમ માટે મોકલી આપવામાં આવ્યો છે. આ સાથે ફરિયાદ પણ નોંધવામાં આવી છે. આ મામલે કાયદેસરની કાર્યવાહી કરવામાં આવી રહી છે.