ભારતીય રિઝર્વ બેંક (RBI) એ KYC ના નિયમોમાં બદલાવ કર્યો છે. આ હેઠળ આધાર બેસ્ડ વીડિયો કસ્ટમર આઇડેન્ટિફિકેશન પ્રોસેસ ( V-CIP) ને મંજૂરી મળી ગઇ છે.
હવે મોબાઇલ વીડિયો પર થશે KYC
આધાર અને અન્ય દસ્તાવેજોના માટે જરૂરી EKYC અનેવ ડિજિટલ KYC ની સુવિધા મળશે
હવે બેંકો, NBFC અને અન્ય લોન આપનાર સંસ્થાઓ વીડિયો બેઝ્ડ આઇડેન્ટિફિકેશન પ્રોસેસનો ઉપયોગ KYC માટે કરી શકશે. આ સાથે હવે લોકોએ KYC માટે બેંકો અથવા અન્ય સંસ્થાઓમાં જવું નહીં પડે. આનાથી સમયનો બચાવ થશે અને KYC કરાવવાનું પણ સરળ બની જશે.
વીડિયો KYC કેવી રીતે થશે?
- આ નવી સુવિધા અંતરિયાળ વિસ્તારોમાં રહેતા નાણાકીય સંસ્થાઓના અધિકારીઓ PAN અથવા આધાર કાર્ડ તેમજ કેટલાક સવાલો દ્વારા ગ્રાહકની ઓળખ કરી શકશે.
- વીડિયો કોલનો વિકલ્પ ફક્ત સંબંધિત બેંક અથવા સંસ્થાના ડોમેન પર જ ઉપલબ્ધ રહેશે. ગ્રાહકો થર્ડ પાર્ટી સોર્સ જેમ કે, ગૂગલ ડુઓ અથવા WhatsApp કે અન્ય કોઈપણ માધ્યમથી વીડિયો કોલ્સ કરી શકશે નહીં.
આધાર બેઝ્ડ વીડિયો કસ્ટમર આઇડેન્ટિફિકેશન પ્રોસેસ હેઠળ નાણાકીય સંસ્થાઓના અધિકારીઓ પાન અથવા આધારકાર્ડના આધારે કેટલાક પ્રશ્નો દ્વારા ગ્રાહકની ઓળખ ચકાસી શકશે. આ સાથે જ એજન્ટને પણ જીઓ-કોઓર્ડિનેટ્સ હેઠળ પુષ્ટિ કરવી પડશે કે ગ્રાહક દેશમાં જ છે.
KYC શું છે?
KYC એ ભારતીય રિઝર્વ બેંક દ્વારા હાથ ધરવામાં આવેલી ઓળખ પ્રક્રિયા છે, જે બેંકો અને અન્ય નાણાકીય સંસ્થાઓ તેમના ગ્રાહકોને વધુ સારી રીતે ઓળખવામાં મદદ કરે છે. KYC એટલે ‘નો યોર કસ્ટમર’ એટલે કે તમારા ગ્રાહકને જાણો. બેંકો અને નાણાકીય કંપનીઓ આ માટે ફોર્મ ભરાવીને તેની સાથે ઓળખના કેટલાક પુરાવા પણ લે છે.જેનાથી ગ્રાહક માટે માહિતી મેળવી શકે.