જાનહાનિ ટળી.! / ગુજરાતમાં 6 જગ્યાએ આગનાં બનાવોમાં લાખોનો માલ બળીને સ્વાહા, વાપીમાં મેજર કોલ જાહેર, જુઓ ક્યાં ક્યાં બની ઘટના

• વલસાડના વાપી GIDCની વિરાજ કેમિકલ કંપનીમાં લાગેલી આગ પ્રસરી
• 12 થી વધારે ફાયરટીમ ઘટના સ્થળે 
• વાપી GIDCમાં લાગેલી આગ 2 કલાક બાદ પણ બેકાબૂ
• આગ પ્રસરતા ફાયર વિભાગે મેજર કોલ કર્યો છે જાહેર

વલસાડના વાપી GIDCની વિરાજ કેમિકલ કંપનીમાં અગમ્ય કારણોસર સોલવન્ટની ટાંકીમાં બ્લાસ્ટ થવા પામ્યો હતો. ફોર્ટી શેડ વિસ્તામાં આવેલ વિરાજ કેમિકલ કંપનીમાં આગ લાગી હતી. ત્યારે 10 થી વધારે ફાયરટીમ ઘટના સ્થળે આવી પહોંચી હતી. સોલવન્ટની ટાંકીમાં અચાનક આગ લાગતા દોડધામ મચી જવા પામી હતી. ત્યારે આગે વિકરાળ સ્વરૂપ ધારણ કરતા મેજર કોલ જાહેર કરવામાં આવ્યો હતો.  ત્યારે વિરાજ કેમિકલ કંપનીમાં લાગેલી આગ અન્ય બે કંપનીઓમાં પણ પ્રસરી હતી. 

આગ પ્રસરતા ફાયર વિભાગે મેજર કોલ કર્યો છે જાહેર
વાપી GIDCમાં લાગેલી આગ 2 કલાક બાદ પણ કાબુમાં આવી નથી. ત્યારે કંપનીમાં મુકેલ સોલ્વન્ટ કેમિકલ સળગતા આગ પ્રસરી છે.  તેમજ બાજુમાં આવેલ વ્રજ કેમ કંપનીમાં આગ બાદ બાજુની અન્ય 2 કંપની આગની ઝપેટમાં 12થી વધુ ફાયર ફાઈટરની મદદથી આગ કાબૂ લેવા પ્રયાસ કરવામાં આવી રહ્યા છે. આગ પ્રસરતા ફાયર વિભાગે મેજર કોલ જાહેર કર્યો છે.  કંપનીમાં રાખેલા કેમિકલના ડ્રમ બ્લાસ્ટ થઈ રહ્યા છે. સદનસીબે ઘટનામાં કોઈ જાનહાની કે ઈજા થઈ નથી. 

ગેસની પાઇપલાઇનમાં આગ લાગતા અફરા તફરી મચી 
મોરબીમાં ભક્તિનગર સર્કલ પાસે આવેલ ગેસની પાઈપ લાઈનમાં અચાનક આગ લાગતા અફડાતફડીનો માહોલ સર્જાયો હતો. ત્યારે આ અંગેની જાણ ફાયપની ટીમને કરતા ફાયર બ્રિગ્રેડે ઘટના સ્થળે પહોંચી આગ પર કાબુ મેળવ્યો હતો. 

CNG  લીકેજ હોવાના કારણે લાગી આગ
અમદાવાદના સેટેલાઈટ વિસ્તારમાં પાર્ક કરેલ સીએનજી કારમાં અચાનક આગ લાગી હતી. ત્યારે આગ લાગવાનું કારણ સીએનજી લીકેજ હોવાનું માનવામાં આવી રહ્યું છે. ઘટનામાં કોઈ જાનહાનિ થવા પામી નથી. 

આગને પગલે મંદિર તરફ પગપાળા જવાનો રસ્તો બંધ કરાયો
પંચમહાલના પાવાગઢનાં પાટીયા પુલ પાસે આગ લાગી હતી. ત્યારે આગને પગલે મંદિર તરફ પગપાળા જવાનો રસ્તો બંધ કરાયો હતો.  ત્યારે પાટિયા પુલ પાસેના જંગલમાં  આગ લાગવાનો બનાવ બન્યો હતો. સ્થાનિક દુકાનદારોમાં ભયનો માહોલ ફેલાઈ જવા પામ્યો હતો. આગને બુઝાવવા માટે પ્રયાસ હાથ ધરવામાં આવ્યો હતો.

બાઇકમાં અચાનક આગ લાગતાં અફરાતફરી
સાબરકાંઠાના ઈડર દામોદર એરિયામાં બાઇકમાં અચાનક આગ લાગતાં અફરાતફરીનો માહોલ સર્જાયો હતો. પાર્ક કરેલ બાઇકમાં અચાનક આગ લાગતાં લોકોના ટોળા ઉમટી પડ્યા હતા.આગની ઘટનામાં સ્થાનિકો દ્વારા ફાયર બ્રિગેડને જાણ કરીને આગ પર પાણીનો છંટકાવ કરીને આગ બુજાવવાનો પ્રયાસ કરવામાં આવ્યો હતો.ભારે જહેમદ બાદ આગ પર કાબૂ મેળવ્યો હતો. આગની ઘટનામાં સદનસીબે કોઈ જાનહાનિ ટળી હતી. 

વીજ તાર અડકતા ખેતરમાં તણખા પડ્યા હતા 
બનાસકાંઠાના દાંતા તાલુકાનાં કુંડલ ગામમાં ખેતરમાં આગ લાગવાનો બનાવ બન્યો હતો. ખેતરમાંથી પસાર થતા વીજ તારને અડકતા ખેતરમાં તણખા પડ્યા હતા. ત્યારે આગને કારણે ખેતરમાં ઘઉંનો પાક સળગીને ખાક થઈ ગયો હતો. સ્થાનિકોએ પાણીનો મારો ચલાવીને આગ પર કાબુ મેળવ્યો હતો.