2022માં આ ફિલ્મોને દર્શકોનો ખૂબ જ પ્રેમ મળ્યો છે સાથે જ આ ફિલ્મોએ 100 કરોડની કમાણીનો આંકડો પણ પાર કર્યો છે.
2022માં આ ફિલ્મોને મળ્યો દર્શકોનો ખૂબ પ્રેમ
100 કરોડની કમાણીનો આંકડો કર્યો પાર
2022 માં આ ફિલ્મોએ લૂંટી લીધા લોકોના દિલ!
KGF-2, RRR, બ્રહ્માસ્ત્રઃ પાર્ટ-1 2022માં બ્લોકબસ્ટર ફિલ્મો રહી. આ ફિલ્મોએ કમાણી કરવાની સાથે સાથે દર્શકોનો પ્રેમ પણ મેળવ્યો. લોકો હવે ધીરે ધીરે ઓટીટી પ્લેટફોર્મથી વધીને મૂવી થિએટર્સ સુધી આવવા લાગ્યા છે. આજ કારણ છે કે હવે ફિલ્મોએ એક વખત ફરી કમાણી કરવાનું શરૂ કરી દીધુ છે.
આજે અમે એ ફિલ્મોની વાત કરીશું જેમણે વર્ષ 2022માં દર્શકોનો ખૂબ જ પ્રેમ મળ્યો અને તેમણે કમાણીના મામલામાં 100 કરોડનો આંકડો પાર કર્યો. આવો જાણીએ કે 100 કરોડ ક્લબમાં કઈ કઈ ફિલ્મોને જગ્યા મળી.
બ્રહ્માસ્ત્રઃ
રણબીર કપૂર અને આલિયા ભટ્ટની Sci-Fi એક્શન ફિલ્મ બ્રહ્માસ્ત્રને દર્શકોએ અપાર પ્રેમ આપ્યો. આ ફિલ્મમાં અમિતાભ બચ્ચન અને મૌની રોય જેવા મોટા એક્ટર્સે મુખ્ય ભૂમિકા ભજવી હતી. અયાન મુખર્જીના નિર્દેશનમાં બનેલી આ ફિલ્મે તેના શરૂઆતના સપ્તાહમાં જ વિશ્વભરમાં રૂ. 225 કરોડનો બિઝનેસ કર્યો હતો.
દ્રશ્યમ 2
અભિનેતા અજય દેવગનની મિસ્ટ્રી થ્રિલર ફિલ્મ 'દ્રશ્યમ 2' વર્ષ 2022ની બીજી બ્લોકબસ્ટર હિટ ફિલ્મ છે. આંકડાઓ અનુસાર, ફિલ્મે 196 કરોડ રૂપિયાની કમાણી કરી છે અને તે હજુ પણ સિનેમાઘરોમાં ચાલી રહી છે.
ભુલ ભુલૈયા 2
અનીસ બઝમી દ્વારા દિગ્દર્શિત ફિલ્મ ભુલ ભુલૈયા 2 વર્ષ 2022 ની સૌથી મોટી હિટ ફિલ્મોમાંની એક છે. આ ફિલ્મમાં કાર્તિક આર્યન, કિયારા અડવાણી અને તબુએ મુખ્ય પાત્રો ભજવ્યા છે. આંકડાઓ અનુસાર ફિલ્મે માત્ર એક મહિનામાં 171 કરોડ રૂપિયાની કમાણી કરી છે.
કંતારા
ઋષભ શેટ્ટીએ લખેલી અને ડાયરેક્ટ કરેલી ફિલ્મ 'કંતારા' 2022 ની અન્ય બ્લોકબસ્ટર હિટ પેન ઈન્ડિયા ફિલ્મ હતી. આ ફિલ્મે વર્લ્ડવાઈડ બોક્સ ઓફિસ પર 400 કરોડ રૂપિયાની કમાણી કરી હતી.
ગંગુબાઈ કાઠિયાવાડી
સંજય લીલા ભણસાલીની પીરિયડ ડ્રામા ફિલ્મ જેમાં આલિયા ભટ્ટ મુખ્ય ભૂમિકામાં હતી તેને દર્શકોએ ખૂબ પસંદ કરી હતી. આ ફિલ્મનું બોક્સ ઓફિસ કલેક્શન 125 કરોડ રૂપિયા હતું.
KGF 2
KGF 2 કન્નડમાં બ્લોકબસ્ટર હિટ ફિલ્મ હતી, જેમાં સાઉથ અભિનેતા યશ અને બોલીવુડ અભિનેતા સંજય દત્ત અને રવિના ટંડન મુખ્ય ભૂમિકામાં હતા. આ ફિલ્મે 430 કરોડની કમાણી કરી હતી.
RRR
એસએસ રાજામૌલી દ્વારા નિર્દેશિત ફિલ્મ RRR 2022 ની સૌથી મોટી હિટ ફિલ્મોમાંની એક હતી. આ ફિલ્મમાં અભિનેતા રામ ચરણ, જુનિયર એનટીઆર, આલિયા ભટ્ટ અને અજય દેવગન મુખ્ય ભૂમિકામાં હતા. આ ફિલ્મે વિશ્વભરમાં 1100 કરોડ રૂપિયાની કમાણી કરી હતી.
ધ કાશ્મીર ફાઇલ્સ
વિવેક અગ્નિહોત્રી દ્વારા નિર્દેશિત ફિલ્મ 'ધ કાશ્મીર ફાઇલ્સ' 2022ની સૌથી સફળ ફિલ્મોમાંની એક હતી. તેમાં અનુપમ ખેર, મિથુન ચક્રવર્તી અને દર્શન કુમારે મુખ્ય ભૂમિકા ભજવી હતી. 'ધ કાશ્મીર ફાઇલ્સ'એ બોક્સ ઓફિસ પર 200 કરોડથી વધુની કમાણી કરી હતી.
વિક્રમ
સાઉથ એક્ટર કમલ હાસન અને વિજય સેતુપતિની એક્શન થ્રિલર પાન ઈન્ડિયા ફિલ્મ વિક્રમને દર્શકો તરફથી ઘણો પ્રેમ મળ્યો. આ ફિલ્મે વર્લ્ડવાઈડ બોક્સ ઓફિસ પર લગભગ 300 કરોડ રૂપિયાની કમાણી કરી હતી.