વિવાદ / પાક. PM મહિલાઓ માટે એવું બોલી ગયા કે તસ્લીમાએ ઇમરાન ખાનની અર્ધનગ્ન તસવીર પોસ્ટ કરીને કર્યો કટાક્ષ

• પાકિસ્તાનના પ્રધાનમંત્રીનું વિવાદિત નિવેદન 
• અશ્લિલતા મુદ્દે મહિલાઓ પર કરી કમેન્ટ
• બાંગ્લાદેશી લેખિકાએ કટાક્ષ કરી આપ્યો જવાબ

પાકિસ્તાનના પ્રધાનમંત્રી ઈમરાન ખાન વધતા દુષ્કર્મ, ઓછા કપડાં અને અશ્લીલતા જેવા મુદ્દાને લઈને વિવાદિત નિવેદન આપી ફરી મુશ્કેલીમાં મુકાઈ ગયા છે. આ વખતે બાંગ્લાદેશી લેખીકા તસ્મીમા નસરીને તેમના પર નિશાન સાધ્યું છે. તસ્લીમા નસરીને ઈમરાન ખાનની શર્ટલેસ તસ્વીર ટ્વીટર પર શેર કરતા કટાક્ષ કર્યો છે કે પુરુષોના ઓછા કપડાં પહેરવાના કારણે મહિલાઓ પર અસર પડી રહી છે. ભારતમાં રહેતી આ બાંગ્લાદેશી મૂળની તસ્લીમાંએ પાક પીએમના વિવાદિત નિવેદનના પલટવાર પર તેને જવાબ આપ્યો છે.  

તસ્લીમાએ કર્યો કટાક્ષ 
બાંગ્લાદેશની લેખિકાએ લખ્યું, "જો કોઈ પુરુષ ઘણા ઓછા કપડાં પહેરે છે તો તેની અસર મહિલાઓ પર પડે છે. અનલેસ કે તે રોબોર્ટ હોય."

If a man is wearing very few clothes, it will have an impact on women, unless they are robots. pic.twitter.com/2Bdix7xSv7

— taslima nasreen (@taslimanasreen) June 22, 2021

શું કહ્યું હતું ઈમરાને? 
ઈમરાને લખ્યું હતું કે, "જ્યારે કોઈ મહિલા ખૂબ ઓછા કપડાં પહેરે છે તો પુરુષ પર તેની અસર થાય છે. જ્યાં સુધી કે તે રોબોર્ટ ન હોય." પૂર્વ ક્રિકેટર ઈમરાન ખાને અશ્લીલતાને પાકિસ્તાનમાં દુષ્કર્મના કેસ વધા માટે જવાબદાર ગણાવી છે. તેમણે મહિલાઓને પડદામાં રહેવાની સલાહ આપી દીધી છે. તેમણે કહ્યું કે જો એક મહિલા ખૂબ ઓછા કપડાં પહેરે છે તો તેની અસર પુરુષો પર થાય છે. જ્યાં સુધી કે તે રોબોર્ટ ન હોય. મારુ માનવું છે કે આ સામાન્ય સમજની વાત છે.