ઇસ્લામાબાદ / ઇમરાને શેર કર્યા કરતારપુર કૉરિડોરના ફોટો, કહ્યું- શ્રદ્ધાળુઓના સ્વાગત માટે તૈયાર

કરતારપુર કૉરિડોરના 9 નવેમ્બરે થનાર ઉદ્ધાટન પહેલા પાકિસ્તાનના પ્રધાનમંત્રી ઇમરાન ખાને રવિવારે કરતારપુર પરિસર અને ગુરુદ્વારા દરબાર સાહિબના કેટલાક શાનદાર ફોટો શેર કર્યા છે અને કહ્યું કે આસ્થાનું આ કેન્દ્ર ગુરુ નાનક દેવની 550મી જન્મજયંતિ પર સિખ શ્રદ્ધાળુઓનું સ્વાગત કરવા તૈયાર છીએ. 

નોંધનીય છે કે કરતારપુર કૉરિડોરના ઉદ્ધાટન 9 નવેમ્બરે થવાનું છે. એવામાં ખાને ટ્વિટર પર ફોટો શેર કરીને પવિત્ર સ્થાનની એક ઝલક આપી છે. એમને ટ્વિટ કર્યું કે 'સિખ શ્રદ્ધાળુઓનું સ્વાગત કરવા માટે તૈયાર છે કરતારપુર.' એક અન્ય ટ્વિટમાં એમને નિર્માણકાર્ય સમય પર પૂરો કરવા માટે પોતાની સરકારને શુભેચ્છા પાઠવી. 

ખાને ટ્વિટ કર્યું કે 'ગુરુ નાનક જી ને 550મી જયંતી પર્વ માટે કરતારપુરને રેકોર્ડ સમયમાં તૈયાર કરવા માટે પોતાની સરકારને શુભેચ્છા પાઠવા ઇચ્છું છું.'

I want to congratulate our govt for readying Kartarpur, in record time, for Guru Nanak jee's 550th birthday celebrations. pic.twitter.com/dwrqXLan2r

— Imran Khan (@ImranKhanPTI) November 3, 2019

એવું માનવામાં આવી રહ્યું છે કે આવું કરીને ખાન ધાર્મિક પર્યટનને પ્રોત્સાહન આપવાનો પ્રયત્ન કરી રહ્યું છે. આ પહેલા એમને અહીંયા આવવાના ઇચ્છુક સિખ શ્રદ્ધાળુઓ માટે પાસપોર્ટની શરતને સમાપ્ત કરી દીધી હતી. આ સાથે જ કરતારપુર કૉરિડોરના ઉદ્ધાટન અને ગુરુનાનક દેવની 550મી જયંતિ દિવસે પાકિસ્તાન દ્વારા લેવામાં આવતો 20 અમેરિકી ડોલરની ફી પણ લેવામાં આવશે નહીં. 

કરતારપુર કૉરિડોરના ઉદ્ધાટન એવા સમયે થઇ રહ્યું છે જ્યારે રાજધાની ઇસ્લામાબાદમાં હજારોની સંખ્યામાં પ્રદર્શનકારી હાજર છે અને એમના નેતા મૌલાના ફઝલુર રહેમાન ખાનના રાજીનામાની માગણી કરી રહ્યા છે.