ઇમરાન ખાન વારંવાર ભારતીય વિદેશ નીતિના વખાણ કરતાં જોવા મળે છે. ત્યારે તેમણે વિદેશમંત્રી એસ જયશંકરના ખુબ વખાણ કરે છે અને શહબાઝ સરકાર પર નિશાનો સાધે છે. તેમનું કહેવું છે કે ભારતની વિદેશનીતિ સ્વતંત્ર છે અને તે પોતાના નાગરિકો માટે વિચારે છે એટલે તે રૂસથી તેલ ખરીદી રહ્યું છએ ઇમે અમેરિકાની ક્વોડમાં પણ જોડાયેલ છે.
ઇમરાને ફરી કરી ભારતની પ્રશંસા
ભારતીય વિદેશનીતિને લઇને ખુશ છે ઇમરાન
એસ જયશંકરનાં ખુબ વખાણ કર્યાં
રૂસથી ખરીદાયેલા તેલ પર પણ કરી વાત
ઇસ્લામાબાદ: પાકિસ્તાનનાં પૂર્વ પ્રધાનમંત્રી ઇમરાન ખાન જ્યારથી સત્તાની બહાર ગયાં છે ત્યારથી વારંવાર તે ભારતીય વિદેશનીતિના વખાણ કરી રહ્યાં છે. હાલમાં જ એક ઇન્ટરવ્યૂહમાં તેમણે ભારતનાં વિદેશમંત્રી એસ જયશંકરનાં વખાણ કર્યાં હતાં. ફરી એકવાર ઇમરાને રૂસ-યુક્રેન યુદ્ધમાં ભારતે લીધેલ પગલાંઓનાં વખાણ કરેલ છે.
ઇમરાને વિદેશમંત્રીના કર્યાં વખાણ
ઇમરાન ખાને ભારતીય વિદેશમંત્રી એસ જયશંકરનાં વખાણ કરતાં કહ્યું કે' ભલે તે ભારતનાં મંત્રી છે પણ હું તેમની પ્રશંસા કરું છું.' ઇમરાને વર્તમાન શાહબાજ સરકાર પર અમેરિકાની સાથે મળીને તેમની સરકાર વિરૂધ કાવતરૂં રચ્યું હોવાના આરોપ મૂક્યાં છે. યૂરોપમાં 8 મહિનાઓથી શરૂ થયેલ જંગમાં ભારત તટસ્થ નીતિ અપનાવી રહી છે. વૈશ્વિક ધોરણે ભારતે યુદ્ધની નિંદા અને સમાધાન પર ભાર આપ્યો છે.
#Video Former PM of Pakistan Imran khan's praise of the Indian external affairs Minister S. Jaishankar the manner in which the Indian MoEA took the stand of his people on the War of Russia & Ukraine is admirable, although he is the Minister of India, but I admire him for this https://t.co/kk1rGKtMIxpic.twitter.com/wfu5n9dmTy
ભારતની વિદેશનીતિ પર કરી વાત
પ્રશંસા કરતાં ઇમરાને કહ્યું કે હિન્દુસ્તાન કહે છે તે રૂસ પાસેથી સસ્તું તેલ ખરીદે છે. તમને શું લાગે છે કે અમેરિકાએ હિન્દુસ્તાનથી સંબંધ તોડી નાખ્યાં છે? તે હિન્દુસ્તાનનું સન્માન કરે છે. તેમના વિદેશમંત્રીએ જે રીતે બધાની સમક્ષ જઇને કહી દીધું છે, ભલે તે ભારતનાં મંત્રી છે પણ હું તેમની પ્રશંસા કરૂં છું.
ઇમરાને માન-સન્માનની કરી વાત
ઇમરાન ખાને કહ્યું કે 'જો તમે તમારી ઇજ્જત કરશો તો લોકો તમારી ઇજ્જત કરશે. જ્યારે તમે લોકો સામે જમીન પર પડી જાઓ છો તો લોતો તમને વધુ નીચે ધકેલે છે.'
ઇમરાને રૈલીમાં ચલાવ્યો જયશંકરનો વીડિયો
થોડાં દિવસ પહેલા એક રેલીમાં ઇમરાને જયશંકરનો એક વીડિયો દેખાડતાં કહ્યું હતું કે આ છે એક આઝાદ મુલ્ક (દેશ). જયશંકરનો આ વીડિયો તેમની યૂરોપ યાત્રા દરમિયાનનો છે. જેમાં તેઓ રૂસ સાથે તેલ ખરીદવાનાં આરોપો પર જવાબ આપી રહ્યાં છે. તેમણે યૂરોપને ફટકારતાં કહ્યું કે રૂસથી તેલ ગેસ ખરીદવું શું યુદ્ધ પર પૈસા લગાવ્યું કહેવાય? શા માટે માત્ર ભારતના પૈસા અને ભારતનું તેલ જ યુદ્ધ માટે ભંડોળ પૂરું પાડે છે, યુરોપ આવનારી ગેસ કેમ નહીં?'