પાકિસ્તાનના નવનિર્વાચિત નેશનલ એસેમ્બલી શુક્રવારે પીએમની ચૂંટણી કરવા બેઠા હતા. એમાં ક્રિકેટર થી રાજકીય બનેલા ઇમરાન ખાને 176 વોટથી જીત મેળવી છે. કારણ કે પીએમએવ એન પ્રમુખ શાહબાઝ શરીફની ઉમેદવારીને લઇને વિપક્ષી મહાગઠબંધનમાં તિરાડ પડી ગઇ છે. પાકિસ્તાન તહરીક એ ઇન્સાફ પાર્ટીના અધ્યક્ષ ઇમરાન ખાન આવતીકાલે શપથ ગ્રહણ કરશે.
નોંધનીય છે કે ઇમરાન ખાન અને પાકિસ્તાન મુસ્લિમ લીગ નવાઝ (પીએમએલ એન)ના પ્રમુખ શાહબાઝ શરીફે સદનમાં ઉચ્ચ પદ માટે નામાંકન દાખલ કર્યું હતું. જેમાં ઇમરાન ખાનને 176 વોટથી બહુમતી મળી છે જ્યારે પાકિસ્તાન મુસ્લિમ લીગ નવાઝ ચીફ શરીફને 96 વોટ મળ્યા છે.
પાકિસ્તાનમાં 25 જુલાઇએ થયેલી સામાન્ય ચૂંટણીમાં પીટીઆિ સૌથી મોટા દળ તરીકે સામે આવી હતી. પાર્ટીને 116 સીટો મળી હતી. 9 નિર્દલીય સભ્યોના પીટીઆઇમાં સામેલ થયા બાદ એની સંખ્યા બાદ એની સંખ્યા 125 થઇ ગઇ હતી. ત્યારબાદ મહિલાઓ માટે આરક્ષિત 60માંથી 28 સીટો પાર્ટીને વહેંચી દેવામાં આવી હતી અને અલ્પસંખ્યકો માટે આરક્ષિત 10 માથી પાંચ સીટો પાર્ટીને વહેંચી દેવામાં આવી હતી.