પાકિસ્તાનના પ્રધાનમંત્રી ઇમરાન ખાન ફરી એક વખત પોતાની ભૂલને લઇને સોશિયલ મીડિયા પર ટ્રોલ થયા છે. સોશિયલ મીડિયા પર ભારત, પાકિસ્તાનના લોકો પાકિસ્તાનના પીએમ ઇમરાન ખાનની મજાક ઉડાવી રહ્યાં છે.
ઇમરાન ખાને UNHRCના 58 દેશનો આભાર માન્યો
UNHRCમાં 47 દેશ છે, 58 નહીં
પોતાની ભૂલને લઇને સોશિયલ મીડિયા પર થયા ટ્રોલ
શું થયું ?
ઇમરાન ખાને એક ટવિટ કર્યું હતું જેમાં યૂનાઇટેડ નેશન્સ હ્યૂમન રાઇટસ કાઉન્સિલ (UNHRC)ના સમર્થન માટે 58 દેશોનું અભિવાદન કર્યું. હક્કીત એ છે કે UNHRCમાં 47 દેશ છે, 58 નહીં.
I commend the 58 countries that joined Pakistan in Human Rights Council on 10 Sept reinforcing demands of int community for India to stop use of force, lift siege, remove other restrictions, respect & protect Kashmiris' rights & resolve Kashmir dispute through UNSC resolutions.
પાકિસ્તાનના પીએમએ ટવિટમાં શું કહ્યું હતું
હું 58 દેશની પ્રશંસા કરું છું જેમણે 10 સપ્ટેમ્બરના રોજ હ્યૂમન રાઇટસ કાઉન્સિલમાં પાકિસ્તાનને સમર્થન આપી તેની માંગણીને મજબૂત બનાવી. ભારત કાશ્મીરમાં બળ પ્રયોગને રોકે, પ્રતિબંધ દૂર કરે, કાશ્મીરીઓના અધિકારની રક્ષા થાય અને યૂનાઇટેડ નેશન્સ મુજબ કાશ્મીર મુદ્દે સમાધાન થાય.
આ ટવિટથી ઇમરાન ખાનની સોશિયલ મીડિયામાં ઘણી મજાક ઉડી. પાકિસ્તાનના લોકોએ જણાવ્યું કે દેશના પ્રધાનમંત્રી ખોટુ બોલી રહ્યાં છે. કેટલાંક લોકોએ કહ્યું જ્યારે 47 દેશ છે તો 58 દેશોએ તમને સમર્થન કેવી રીતે આપ્યું ? 11 નવા દેશ ક્યાંથી જોડાઇ ગયા? શું તે બધામાં સિન્ધુનિસ્તાન, બલૂચિસ્તાન વગેરે છે?
Isn't the UN Human Rights Council made of 47 countries? However, there are 58 countries that PM wants to thank. I think he is counting the djinns too.. https://t.co/uD8OSAF2sm
પાકિસ્તાનના પત્રકાર નાયલા ઇનાયતે પાકિસ્તાનના પીએમના ટ્વિટ પર કહ્યું કે પાકિસ્તાનના કેટલાક લોકો સોશિયલ મિડીયા પર કહી રહ્યાં છે કે કાશ્મીર મુદ્દે પાકિસ્તાનને દુનિયાના કોઇ દેશનું સમર્થન મળ્યું નથી. આપણા નેતા ખોટુ બોલી રહ્યાં છે. પાકિસ્તાનના પ્રધાનમંત્રી ઇમરાન ખાનના આ ટ્વિટના કારણે દેશ માટે શરમજનક પરિસ્થિતિ બની છે.