ઓગસ્ટ 2019મા નાણાં પ્રધાન નિર્મલા સીતારમણે 10 પબ્લિક બેંકોને મર્જ કરવાનો નિર્ણય લીધો હતો, હવે આ બેંકોના IFSC કોડ અને MICR કોડમાં પણ ફેરફાર કર્યો છે
સિન્ડિકેટ બેંક બદલવા જઈ રહી છે IFSC કોડ
10 પબ્લિક બેંકોને મર્જ કરવાનો થયો હતો નિર્ણય
IFSC કોડ અપડેટ કરવામાં મોડું થશે તો અટકશે પેમેન્ટ
- સિન્ડિકેટ બેંક બદલવા જઈ રહી છે IFSC કોડ
સિન્ડિકેટ બેંક કેનેરા બેંકમાં મર્જ થવા જઈ રહી છે ,જેથી તે પોતાનું IFSC કોડ બદલવા જઈ રહી છે. બેંક દ્વારા પોતાના ગ્રાહકો માટે જાહેરાત કરાઈ છે કે, નવો IFSC કોડ પ્રાપ્ત કરવા માટે તેમને Canarabank.com/IFSC.html અથવા કેનેરા બેંકની વેબસાઈટ જવું પડશે. અથવા તો અગાઉના સિન્ડિકેટ બેંકના ગ્રાહકોને બદલાયેલા IFSC કોડ અને MICR કોડની સાથે નવી ચેકબુક મેળવવી પડશે.
- 10 પબ્લિક બેંકોને મર્જ કરવાનો થયો હતો નિર્ણય
મહત્વનું છે કે, ઓગસ્ટ 2019મા નાણાં પ્રધાન નિર્મલા સીતારમણે 10 પબ્લિક બેંકોને મર્જ કરવાનો નિર્ણય લીધો હતો. જેથી સિન્ડિકેટ બેંક અને કેનેરા બેંકના IFSC કોડ અને MICR કોડમાં પણ ફેરફાર કર્યો છે. જેને લઈને ગ્રાહકોએ પણ પોતાનો નવો કોડ મેળવવાની તકલીફ ઉઠાવવી પડશે.
- IFSC કોડ અપડેટ કરવામાં મોડું થશે તો અટકશે પેમેન્ટ
આ સાથે સિન્ડિકેટ બેંક દ્વારા અગાઉ જ પોતાના તમામ ગ્રાહકોને જાણકારી આપી દેવાઈ છે. અને પોતાની બ્રાંચ પરથી અપડેટેડ IFSC કોડ વિશે તપાસ કરવાનું પણ જણાવી દેવાયું છે. આ સાથે બેંકે કહ્યું કે, NEFT/RTGS/IMPSના માધ્યમથી ટ્રાન્ઝેક્શન કરવા માટે ગ્રાહકોએ પોતાના નવા IFSC કોડનો જ ઉપયોગ કરવો પડશે. અને જો કોઈ ગ્રાહક પોતાનો IFSC કોડ અપડેટ કરવામાં મોડું કરશે તો, તેને 1 જુલાઈથી ઓનલાઈન ટ્રાન્ઝેક્શન કરવામાં તકલીફ પડશે.