ગુજરાત વિધાનસભા શાસક પક્ષને લઈને મહત્વના સમાચાર સામે આવ્યા છે. ભાજપ પક્ષના 4 નાયબ દંડકને ઝોન વાઈઝ જવાબદારી સોંપવામાં આવી છે. જે તે ઝોનના ધારાસભ્યોની જવાબદારી ઝોનના દંડકની રહેશે.
વિધાનસભા શાસક પક્ષને લઈને મહત્વના સમાચાર
ભાજપ પક્ષના 4 નાયબ દંડકને સોપાઈ ઝોન વાઇઝ જવાબદારી
4 ઝોનના ધારાસભ્યોની 4 નાયબ દંડકની જવાબદારી રહેશે
તાજેતરમાં યોજાયેલી ગુજરાત વિધાનસભાની ચૂંટણીમાં ભાજપે રેકોડબ્રેક જીત હાસલ કરી છે. જે બાદ રાજ્યમાં નવી સરકારના મંત્રીઓએ કાર્યભાર પણ સંભાળી લીધો છે. વિધાનસભામાં એક મુખ્ય દંડક અને 4 નાયબ દંડકની નિમણૂક કરાઈ છે. જેમાં વડોદરાના બાલકૃષ્ણ શુક્લની મુખ્ય દંડક તરીકે નિમણૂક કરાઈ છે. ડાંગના વિજય પટેલ, બોરસદના રમણ સોલંકી, અમરેલીના કૌશિક વેકરિયા અને વઢવાણના ધારાસભ્ય જગદીશ મકવાણાની નાયબ મુખ્ય દંડક તરીકે નિમણૂક કરાઈ છે. ત્યારે હવે 4 નાયબ દંડકને મહત્વની જવાબદારી સોંપવામાં આવી છે.
4 નાયબ દંડકને સોપાઈ ઝોન વાઇઝ જવાબદારી
ગુજરાત વિધાનસભાના શાસક પક્ષને લઈને મહત્વના સમાચાર સામે આવ્યા છે. ભારતીય જનતા પાર્ટીના 4 નાયબ દંડકને સોપાઈ ઝોન વાઇઝ જવાબદારી સોંપવામાં આવી છે. જેમાં નાયબ દંડક કૌશિક વેકરીયાને સૌરાષ્ટ્ર ઝોનની જવાબદારી સોંપવામાં આવી છે. જ્યારે નાયબ દંડક વિજય પટેલ દક્ષિણ ઝોન, નાયબ દંડક રમણ સોલંકીને મધ્ય ઝોન અને નાયબ દંડક જગદીશ મકવાણાને ઉત્તર ઝોનની જવાબદારી સોંપવામાં આવી છે. જે તે ઝોનના ધારાસભ્યોની જવાબદારી ઝોનના દંડકની રહેશે.
રજૂઆતને યોગ્ય જગ્યાએ પહોંચાડવામાં કરશે મદદ
દરેક ધારાસભ્યોને સાંભળવા અને તેમના પ્રશ્નોનું સરકાર સમક્ષ વાત કરવી તથા ધારાસભ્યોને કોઈ મુશ્કેલી ન પડે એ માટેની વિચારણા હવે ભાજપ દ્વારા કરવામાં આવી છે. તેના કારણે વિધાનસભા પક્ષના 4 નાયબ દંડક પણ નિમવામાં આવ્યા છે.