ખુશખબર / જેની રાહ જોઈને બેઠાં હતા તે LRD ભરતીને લઈને આવ્યા સારા સમાચાર, બોર્ડના અધ્યક્ષે કર્યુ ટ્વિટ

• LRD ભરતી બોર્ડના અધ્યક્ષની જાહેરાત
• દિવાળી બાદ શારીરિક કસોટી યોજાશે:બોર્ડ અધ્યક્ષ
• નવેમ્બરમાં શારીરિક કસોટી થવાની શક્યતા:બોર્ડ અધ્યક્ષ

રાજ્યમાં લોકરક્ષક ભરતી તૈયારી કરી રહેલા ઉમેદવારો માટે સારા સમાચાર સામે આવ્યા છે. મહત્વનું છે લાંબા સયમથી ભરતીની પરીક્ષા માટે રાહ જોવાઈ રહી હતી ત્યારે LRD ભરતી બોર્ડના અધ્યક્ષની મોટી જાહેરાત કરતા જણાવ્યું કે લોક રક્ષક ભરતીની તૈયારીઓ ચાલી રહી છે અને ભરતી પ્રક્રિયા અંગે ટૂંક સમયમાં જાહેરાત આપવામાં આવશે 

લોકરક્ષક ભરતીની જાહેરાત પૂર્વેની તૈયારીઓ ચાલી રહી છે. ટૂંક સમયમાં જાહેરાત આપવામાં આવશે ત્યારે સૌને જાણ થાય તે માટે પૂરતી પ્રસિદ્ધિ આપવામાં આવશે. દિવાળી પછી નવેમ્બરમાં શારીરિક કસોટી શરૂ થવાની શક્યતા છે.

— Hasmukh Patel (@Hasmukhpatelips) October 4, 2021

લોકરક્ષક દળની ભરતીને લઇને મહત્વના સમાચાર

આપને જણાવી દઈએ કે છેલ્લા ઘણા સમયથી ભરતી ન કરાત ભરતીની તૈયારી કરી રહેલા ઉમેદાવારોમાં ભરતીને પ્રક્રિયાને લઈને અનેક સવાલો મનમાં ઉઠી રહ્યા હતા તેવા સમયે LRD ભરતી બોર્ડના અધ્યક્ષની જાહેરાતથી ઉમેદવારોમાં ખુશી જોવા મળી રહી છે. મહત્વું છે કે આ ભરતી દિવાળી પછી એટલે નવેમ્બરમાં સુધી યોજાઈ એવું લાગી રહ્યું છે  દિવાળી પછી શારીરિક કસોટી શરૂ થવાની શક્યતા પણ જોવા મળી રહી છે.

LRD ભરતી બોર્ડના અધ્યક્ષ IPS હસમુખ પટેલ દ્વારા જાહેરાત

રાજ્યમાં પોલીસ કોન્સ્ટેબલની તૈયારી કરતા ઉમેદવારો ખુશખબર એ છે કે હવે તેમની તૈયારીઓ એડે નહીં જાય લોકરક્ષક દળના ભરતી બોર્ડના અધ્યક્ષ પદે IPS હસમુખ પટેલે  દિવાળી બાદ નવેમ્બર મહિનામાં શારીરિક કસોટી શરૂ કરવામાં આવશે તેવી જાહેરાત કરી છે તેમણે વધુ જણાવ્યું છે કે બહુ જ ઝડપથી વિભાગ તરફથી આ મામલે નોટિફિકેશન બહાર પાડવામાં આવશે અને જે બાદ ઉમેદવારોએ અધિકૃત વેબસાઈટ પરથી ઓનલાઈન અરજી કરવાની રહેશે, ભરતીને લઈને અન્ય વિગતો પણ વેબસાઈટ પર જ જાહેર કરવામાં આવશે 

નવેમ્બરમાં શારીરિક કસોટી શરૂ થવાની શક્યતા: બોર્ડ અધ્યક્ષ

આઈપીએસ હસમુખ પટેલે આજે એક ટ્વીટ કરીને લખ્યું છે કે, "લોકરક્ષક ભરતીની જાહેરાત પૂર્વેની તૈયારીઓ ચાલી રહી છે. ટૂંક સમયમાં જાહેરાત આપવામાં આવશે ત્યારે સૌને જાણ થાય તે માટે પૂરતી પ્રસિદ્ધિ આપવામાં આવશે. દિવાળી પછી નવેમ્બરમાં શારીરિક કસોટી શરૂ થવાની શક્યતા છે.