ગુજરાતમાં જુનિયર ક્લાર્કની પરીક્ષાનું પેપરલીકને લઈ મોટો ખુલાસો, આરોપી કેતન બારોટ, અનિકેત ભટ્ટ, ભાસ્કર ચૌધરી, રાજ બારોટ અને અન્ય એક આરોપીની સંડોવણી હોવાનું સામે આવ્યું છે
પેપરલીક કેસમાં આરોપીઓને લઈને મહત્વના સમાચાર
પેપરલીક મામલે મોટો ખુલાસો, પેપરલીકમાં4 ગ્રુપનો હાથ હતો
ઓરિસ્સાનો પ્રદીપ નાયક પેપર લીક કાંડનો મુખ્ય સૂત્રધાર
રાજ્યમાં વધુ એક વખત જુનિયર ક્લાર્કના પેપરલીકની ઘટના સામે આવી છે. પરીક્ષા પહેલાં પેપરલીક થતા પરીક્ષા રદ કરવામાં આવી છે. જેને કારણે 9 લાખ 53 હજારથી વધુ ઉમેદવારોની મહેનત પાણીમાં ગઈ છે. પેપરલીક થવા મામલે વડોદરાના ક્લાસીસ સંચાલક ભાસ્કર ચૌધરીનું નામ આવ્યું છે. જેથી ATSએ ભાસ્કર ચૌધરી સહિત અન્ય આરોપીની ધરપકડ કરી છે. ઝડપાયેલા તમામ આરોપી શૈક્ષણિક સંસ્થામાં પાર્ટનર છે. જેમાં 2 આરોપીઓ સાયબર એક્સપર્ટ હોવાનો ખુલાસો થયો છે.
પેપરલીક કેસમાં આરોપીઓને લઈને મહત્વના સમાચાર
પેપર લીક મામલે આરોપી કેતન બારોટ, અનિકેત ભટ્ટ, ભાસ્કર ચૌધરી, રાજ બારોટ અને અન્ય એક આરોપીની સંડોવણી હોવાનું સામે આવ્યું છે. પેપર કાંડમાં કુલ ચાર ગ્રૂપ સક્રિય હોવાની પણ વિગતો ખુલી છે. આરોપી કેતન અને ભાસ્કરનું એક ગ્રૂપ જે એજ્યુકેશન કન્સલ્ટન્ટનસી સાથે જોડાયેલો છે. ગુજરાતમાંથી જે આરોપીઓ છે તે તેમના ગ્રુપના જ છે. પ્રદીપ નાયકનું એક ઓડીસા વાળું ગ્રૂપ પણ છે. બિહાર લાઇનમાં મોરારી પાસવાનનું એક ગ્રૂપ છે અને બિહાર ગ્રુપમાં સાતથી આઠ લોકો પકડાયા છે. જીત નાયકનું અન્ય ગ્રૂપ જે પ્રિન્ટિંગ પ્રેસ સાથે જોડાયેલુ છે જ્યારે જીત નાયકની ધરપકડ સાથે 15 શખ્સોની પણ ધરપકડ કરાઈ છે.
ઓરિસ્સાનો પ્રદીપ નાયક પેપર લીક કાંડનો મુખ્ય સૂત્રધાર
જુનિયર ક્લાર્ક પરીક્ષા પેપર લીક મામલે ગુજરાત એટીએસએ 406, 420 409 અને 120 બી હેઠળ ગુનો નોંધ્યો છે. ગુજરાતના છ લોકો સહિત 15 શખ્સોની ધરપકડ કરાઈ છે. ઓરિસ્સાનો પ્રદીપ નાયક પેપર લીક કાંડનો મુખ્ય સૂત્રધાર હોવાનું સામે આવ્યું છે. રાજ્ય બહાર હજુ એક આરોપીને પકડવા તજવીજ હાથ ધરાઈ છે. વડોદરામાં ભાસ્કર ચૌધરી અગાઉ પણ પેપર લીક કાંડમાં સીબીઆઇના હાથે પકડાઈ ચૂક્યો છે. રાજ્ય બહારના પ્રિન્ટિંગ પ્રેસ અંગે પણ તપાસ થશે.
આરોપીઓ ગુનાહિત ઈતિહાસ ધરાવે છે
આરોપીઓ મેનેજર અને શૈક્ષણિક સંસ્થાના સેન્ટરના માલિક હોવાનું પણ સામે આવ્યું છે. જેથી પેપરલીક મામલે દિલ્લી, અમદાવાદ, વડોદરા અને મુંબઈમાં તપાસ ચાલુ છે. આ દરમિયાન આરોપી પાસેથી ડિજિટલ ડોક્યુમેન્ટ, 33 લાખ રોકડ અને ચેક પણ મળી આવ્યા છે. જેથી શનિવારે દિલ્લી કોર્ટમાં આરોપીઓને રજૂ કરીને 12 દિવસના રિમાન્ડ મેળવાવમાં આવ્યા હતા. આ આરોપીઓની ધરપકડ કરવા સાથે અમદાવાદ અને વડોદરામાંથી પણ આરોપીની ધરપકડ કરવામાં આવી છે. શેઠ મોહમદ ઉસામા અને વિરાગ શાહ નામના સાયબર એક્સપર્ટની ધરપકડ કરવામાં આવી છે. જેમાંથી દર્પણ પાઠક અને નિશિકાંત સિન્હા અમદાવાદમાં પરીક્ષા સેન્ટરના મેનેજર હતા. ઉલ્લેખનીય છે કે,પેપરલીકમાં ઝડપાયેલા આરોપી ભાસ્કર ચૌધરીનો ઈતિહાસ ગુનાહિત હોવાનું સામે આવ્યું છે. CBIએ ભાસ્કર ચૌધરી સહિત 6 લોકોની 2019માં પણ પેપરલીક કાંડમાં ધરપકડ કરી હતી.
પેપરલીક અંગે ગુજરાત ATS બોલ્યું ગુજરાત ATS જણાવ્યું કે, હૈદરાબાદના પ્રિન્ટીંગ પ્રેસમાંથી પેપરલીક થયું હતું તેમજ મુખ્ય આરોપી પ્રદીપ નાયક પેપર લઈ વડોદરા આવ્યો હતો તેમણે કહ્યું કે, અન્ય એક આરોપી કેતન બારોટ અમદાવાદનો વતની હતો. ગુજરાત ATSને ગઈકાલે પેપરલીક અંગે માહિતી મળી હતી. ATS જણાવ્યું કે, 4 દિવસથી ગુજરાત ATS ઈનપુટ એકત્રિત કરી રહ્યું હતું અને ગુજરાતના વિવિધ શહેરમાં ATSની ટીમો કાર્યરત હતી. કેતન અને ભાસ્કર નામના 2 આરોપીની 2019માં ધરપકડ કરવામાં આવી હતી. CBIએ 2019માં બન્ને આરોપીની ધરપકડ કરી હતી. પેપરલીક મામલે વડોદરાના સ્ટેકવાઈઝ ટેક્નોલોજી કોચિંગ ક્લાસને સીલ કરાયો છે. સ્ટેકવાઈઝ ટેક્નોલોજી કોચિંગ ક્લાસીસમાંથી આરોપીને ATSએ ઝડપી પાડ્યો છે.