ગુજરાત વિધાનસભાની ચૂંટણી પહેલા ભાજપે કોંગ્રેસના ડભોઇ બેઠકના ઉમેદવાર બાલકૃષ્ણ પટેલ વિરુદ્ધ ચૂંટણી પંચને ફરિયાદ કરી છે, ભાજપે કોંગ્રેસના ઉમેદવાર બાલકૃષ્ણ પટેલ ચૂંટણી પ્રચારમાં પૈસા વેચતા હોવાનો આક્ષેપ કર્યો છે.
ગુજરાત વિધાનસભા ચૂંટણીને લઇ મહત્વના સમાચાર
ડભોઇ બેઠકના કોંગ્રેસના ઉમેદવાર સામે આચારસંહિતા ભંગની ફરિયાદ
ભાજપે બાલકૃષ્ણ પટેલ વિરુદ્ધ ચૂંટણી પંચને કરી ફરિયાદ
ગુજરાત વિધાનસભાની ચૂંટણીમાં પહેલા તબક્કાના મતદાનને હવે આંગળીના ટેરવે ગણી શકાય તેટલા દિવસો બાકી રહ્યાં છે. તમામ રાજકીય પક્ષોએ પોતાના સ્ટાર પ્રચારકોને ચૂંટણીના મેદાનમાં ઉતારી દીધા છે. રાજકીય પક્ષો મતદારોને આકર્ષવા માટે તનતોડ મહેનત કરી રહ્યા છે. ચૂંટણીના ધમધમાટ વચ્ચે મહત્વના સમાચાર સામે આવ્યા છે. ડભોઇ બેઠકના કોંગ્રેસના ઉમેદવાર સામે આચારસંહિતા ભંગની ફરિયાદ થઈ છે.
ભાજપે ચૂંટણી પંચને કરી ફરિયાદ
ભારતીય જનતા પાર્ટીએ ચૂંટણી પંચને ફરિયાદ કરી છે. કોંગ્રેસના ડભોઇ બેઠકના ઉમેદવાર બાલકૃષ્ણ પટેલ સામે આચારસંહિતા ભંગની ફરિયાદ નોંધાવવામાં આવી છે. ભાજપે ચૂંટણી પ્રચારમાં કોંગ્રેસના ઉમેદવાર બાલકૃષ્ણ પટેલ દ્વારા પૈસા વહેંચાતા હોવાનો આક્ષેપ કર્યો છે. મહત્વનું છે કે ગઈકાલે બાલકૃષ્ણ પટેલનો વીડિયો વાયરલ થયો હતો.
બાલકૃષ્ણ પટેલનો વીડિયો વાયરલ
વિધાનસભાની ચૂંટણી અગાઉ મતદારોને રૂપિયાની વહેંચણી કરતો એક વીડિયો વાયરલ થયો છે. વાયરલ વીડિયોમાં વડોદરાના ડભોઇ બેઠકના કોંગ્રેસ ઉમેદવાર બાલકૃષ્ણ પટેલ એક ખુલ્લી જીપમાં જોવા મળી રહ્યા છે. તેઓ જીપમાંથી લોકોને રૂપિયા આપી રહ્યા હોવાનું વીડિયોમાં સ્પષ્ટ દેખાઈ રહ્યું છે. ભાયલી ગામે પ્રચાર દરમિયાન કોંગ્રેસ ઉમેદવાર બાલકૃષ્ણ પટેલે રૂપિયા વહેંચ્યા હોવાનું કહેવામાં આવી રહ્યું છે. આ વીડિયોની VTV ન્યૂઝ પુષ્ટી કરતું નથી.