ગાંધીનગર / BIG NEWS: વિધાનસભા ચૂંટણી પહેલા જ પ્રશાંત કિશોરે ગુજરાતમાં એવી હલચલ કરી કે રાજનેતાઓ ચિંતામાં

• ગુજરાતમાં વિધાનસભા ચૂંટણી અગાઉ મહત્વના સમાચાર
• રણનીતિકાર પ્રશાંત કિશોરની ટીમના ગુજરાતમાં ધામા
• પ્રશાંત કિશોરની ટીમે ગુજરાતમાં ચૂંટણીલક્ષી કામ કર્યુ શરૂ

ગુજરાતમાં વિધાનસભા ચૂંટણી અગાઉ મહત્વના સમાચાર

ગુજરાત વિધાનસભા ચૂંટણી અગાઉ રાજકીય ચહલપલ વધવા પામી રહી છે. તેની વચ્ચે એક મહત્વના સમાચાર સામે આવી રહ્યાં છે. રણનીતિકાર પ્રશાંત કિશોરની ટીમના ગુજરાતમાં ધામા નાંખ્યાં છે. મહત્વનું છે કે, ગુજરાત વિધાનસભાની ચૂંટણીના બ્યુગલ વાગે તે પહેલા જ  પ્રશાંત કિશોરની ટીમે ગુજરાતમાં ચૂંટણીલક્ષી કામ શરૂ કરી દીધું છે. આમ એપ્રિલના પ્રથમ સ્પતાહથી જ પ્રશાંત કિશોરની ટીમ ગુજરાત પહોંચી છે.  

પ્રશાંત કિશોરની ટીમે ગુજરાતમાં ચૂંટણીલક્ષી કામ કર્યુ શરૂ

સૂત્રોના જણાવ્યા અનુસાર ગુજરાત વિધાનસભાની ચૂંટણીમાં જીતવા માટે આ વખતે મોટી સંખ્યામાં સભ્યો ઉતાર્યા છે. તેમજ તમામ ટીમોને વાહન અને રહેવા માટેની તમામ સુવિદ્યાઓ અપાઈ રહી છે. રાજકીય સુત્રોના જણાવ્યા અુસાર  પ્રશાંત કિશોરની ટીમે ગાંધીનગર સ્થિત કમલમની નજીકના અંતરે જ ટીમો માટે કમલમથી 5 કિમીના અંતરે ભાડા પર ફ્લેટ રાખવામાં આવ્યા છે. આ સાથે પ્રશાંત કિશોરની ટીમને વાહન સહિતની તમામ સુવિદ્યાઓ અપાઈ રહી છે.