અમદાવાદ / ગુજરાત યુનિવર્સિટીના વિદ્યાર્થીઓ માટે મહત્વના સમાચાર : આ તારીખો શરૂ થશે ઑફલાઇન પરીક્ષા

• ગુજરાત યુનિવર્સિટીની પરીક્ષાને લઈને મોટા સમાચાર 
• ગુજરાત યુનિવર્સિટીની ઓફલાઈન પરીક્ષા તારીખો જાહેર
• ઑફલાઈન પરીક્ષાની હોલ ટિકિટ વેબસાઈટ પર મુકાઈ

ગુજરાત યુનિવર્સિટીએ ઑફલાઈન પરીક્ષાની તારીખો જાહેર કરવામાં આવી છે 

પરીક્ષાની હોલ ટિકિટ પણ યુનિવર્સિટીની વેબસાઇટ પર મુકી દેવામાં આવી છે 27 જુલાઈથી શરૂ થનાર પરીક્ષા માટે વિદ્યાર્થીઓએ જાતે જ હોલ ટિકિટ યુનિવર્સિટીની વેબસાઈટ પરથી મેળવવાની રહેશે

BA,B.COM,BBA,BCA,BSCની સેમેસ્ટર-6ની પરીક્ષા લેવાશે

મહત્વનું છે કે ઓનલાઈન પરીક્ષા નહીં આપી શકનાર વિદ્યાર્થીઓ માટે ઓફલાઈન પરીક્ષા યોજાનાર છે જેમાં BA,B.COM,BBA,BCA,BSCની સેમેસ્ટર-6ની પરીક્ષા લેવામાં આવશે. તેમજ MA,M.COM,MSW,LLB,B.EDની સેમેસ્ટર-4ની પરીક્ષા લેવાશે જેની હોલ ટિકિટ યુનિવર્સિટીએ વેબસાઈટ પર મુકી દેવામાં આવી છે. 

ઓનલાઈન પરીક્ષા નહીં આપી શકનાર વિદ્યાર્થીઓ માટે આયોજન
ઉલ્લેખનિય છે કે ગુજરાત યુનિવર્સિટી દ્વારા અગાઉ લેવાયેલી ઓનલાઇન પ્રક્રિયામાં પહેલેથી જ છબરડાઓ સામે આવ્યા હતા જેમાં વિદ્યાર્થીઓને પરીક્ષા દરમિયાન અનેક ટેક્નિકલ મુશ્કેલીઓના સામેનો કરવો પડ્યો હતો કેટલાક વિદ્યાર્થીઓને પરીક્ષાના સમય દરમિયાન પેપર ન ખુલવું તેમજ નેટવર્ક સમમસ્યાઓ જેવી અનેક મુશ્કેલીઓ સર્જાઈ હતી  તો અગાઉ પરીક્ષા આપેલ વિદ્યાર્થીઓને ગેરહાજર બતાવીને નાપાસ કરવામાં આવ્યા હતા.

ટેક્નિકલ કારણોસર પરીક્ષા ન આપી શકનાર વિદ્યાર્થી પરીક્ષા આપી શકશે

મહત્વનું છે જે વિદ્યાર્થીઓએ ઓનલાઈન વિકલ્પ પસંદ કર્યો છે અને કોઈક ટેકનિકલ કારણોસર કોઈપણ એક કે તેથી વધુ કે તમામ પેપરની પરીક્ષા ઓનલાઈન આપી શક્યા નથી તેવા વિદ્યાર્થીઓ ઓફલાઈન પરીક્ષા આપી શકશે. તેમની હોલ ટિકીટ પણ તે પ્રમાણે નીકળશે. પરતું  જો કોઈ વિદ્યાર્થી ઓનલાઈન પરીક્ષામાં જે તે પેપરમાં હાજર રહ્યો હોય અને ગમે તે કારણોસર પરીક્ષા પુરી ના કરી શક્યો હોય, તે ઓન રેકોર્ડ પ્રેઝન્ટ હોય તો તે વિદ્યાર્થી તે પેપરની ઓફલાઈન પરીક્ષા આપી શકશે નહીં.