રાજ્યમાં આગામી 5 દિવસ સુધી મેઘમહેરની હવામાન વિભાગે આગાહી કરી છે, ઉત્તર ગુજરાત અને મધ્ય ગુજરાતમાં હળવાથી મધ્યમ વરસાદની શક્યતા, 1 ઓગસ્ટ સુધી રાજ્યમાં હળવા વરસાદની આગાહી
રાજ્યમાં આગામી 5 દિવસ વરસાદની શક્યતા
હળવાથી મધ્યમ વરસાદની શક્યતા
2 અને 4 ઓગસ્ટે સાર્વત્રિક વરસાદની આગાહી
રાજ્યમાં આગામી 5 દિવસ સુધી મેઘમહેરની હવામાન વિભાગે આગાહી કરી છે. ઉત્તર ગુજરાત અને મધ્ય ગુજરાતમાં હળવાથી મધ્યમ વરસાદની શક્યતા છે. 1 ઓગસ્ટ સુધી રાજ્યમાં હળવા વરસાદની હવામાન વિભાગે આગાહી કરી છે. ઉત્તર ગુજરાતના બનાસકાંઠા, સાબરકાંઠા, અરવલ્લી, મોડાસા, પાટણ અને મહેસાણામાં હળવોથી મધ્યમ વરસાદ રહેશે. જ્યારે મધ્યમ ગુજરાતના અમદાવાદ, વડોદરા, ગાંધીનગર, નડિયાદ, ખેડામાં હળવાથી મધ્યમ વરસાદની શક્યતા છે. ત્યાર બાદ 2 અને 4 ઓગસ્ટે રાજ્યમાં સાર્વત્રિક વરસાદની હવામાન વિભાગે આગાહી કરી છે. આ દરમિયાન દક્ષિણ ગુજરાતમાં સામાન્ય અને સૌરાષ્ટ્રમાં હળવાથી મધ્યમ વરસાદ થાય તેવી શક્યતા છે.
ગુજરાતમાં મચ્છરજન્ય રોગને લઈ તંત્ર હરકતમાં
ગુજરાતમાં ચોમાસાની શરૂઆત મોડે-મોડે થઈ છે. વરસાદ બાદ અમદાવાદ જિલ્લા આરોગ્ય વિભાગ હરકતમાં આવ્યું છે. મચ્છર જન્ય રોગો સામે GIDCના ઔદ્યોગિક એકમમાં તપાસ હાથ ધરી હતી. સાણંદ GIDCના 74 એકમોમાં જિલ્લા આરોગ્ય વિભાગની તપાસ થઈ હતી. GIDCના 49 ઔદ્યોગિક એકમોને મચ્છરના બ્રિડીંગ મળતા નોટીસ ફટકારી છે. જિલ્લા મેલેરિયા અધિકારીના આદેશથી સર્વે હાથ ધરાયો હતો. 2022 સુધી ગુજરાત અને 2030 સુધી દેશને મેલેરિયા મુક્તિની ઝૂંબેશ હાથ ધરાઈ છે.