સરકારી ભરતીની તૈયારીઓ મુદ્દે મોટા સમાચાર સામે આવ્યા છે. VTV ના કોન્કલેવમાં ગૌણ સેવા પસંદગી બોર્ડના ચેરમેને મહત્વનું નિવેદન આપ્યું છે. જેમાં બિનસચિવાલય ક્લાર્કની ભરતી મુદ્દે અસિત વોરાનું નિવેદન આપતા કહ્યું, ભરતી પરીક્ષા માટે કોરોનાને ધ્યાને રાખી તૈયારી કરી રહ્યાં છીએ. ચાલુ વર્ષના અંત સુધીમાં મોટી પરીક્ષાનું આયોજન થઇ શકે છે. જો કોરોનાની ત્રીજી લહેર નહીં આવે તો પરીક્ષાનું આયોજન શક્ય બનશે. ગ્રામ્ય વિસ્તારમાં પણ સેન્ટર ફાળવવા અંગે વિચારણા છે. વર્ષ દરમિયાન નાની-નાની ભરતી પરીક્ષાઓ ચાલતી રહેશે.
મહત્વનું છે કે ગઈકાલે ગુજરાતમાં નોકરીને લઈ એક સારા સમાચાર સામે આવ્યા હતા. જેમાં સૂત્રકીય માહિતી પ્રમાણે રાજ્યમાં પંચાયત વિભાગમાં ખાલી પડેલી જગ્યાઓ ટૂંક સમયમાં ભરવામાં આવી શકે છે. પંચાયત વિભાગમાં 16 હજારથી વધુ જગ્યાઓ ખાલી છે. ગુજરાતભરમાં સરકારી નોકરી માટે રાત્રદિવસ એક કરીને અભ્યાસ કરતા વિદ્યાર્થીઓ માટે એક સૂવર્ણ તક ઉભી થઈ શકે છે. સૂત્રકીય માહિતી પ્રમાણે એ વાત પણ સામે આવી છે કે, ગુજરાત પંચાયત પસંદગી મંડળ દ્વારા જ આ પરીક્ષાનું આયોજન કરવામાં આવશે. મહત્વનું છે કે, પંચાયત વિભાગે જિલ્લા વાઈઝ ખાલી જગ્યાઓની વિગત પણ મગાવી છે.
પરીક્ષાનું વાર્ષિક કેલેન્ડર
કોરોનાના કારણે છેલ્લા દોઢ વર્ષ કરતા વધુ સમયથી ભરતી પ્રક્રિયા પર રોક લાગી ગઈ છે, ત્યારે ગુજરાતમાં સરકારી નોકરી માટે તૈયારી કરી રહેલા યુવાનો માટે સારા સમાચાર આવ્યા છે. કોરોના કેસ ઘટતા ગૌણ સેવા પસંદગી મંડળ દ્વારા ભરતી પરીક્ષાઓને લઈને મહત્વનો નિર્ણય લેવામાં આવ્યો છે. મહત્વનું છે કે અગાઉ અનેક ભરતી પરીક્ષાના ફોર્મ ભરાઈ ગયા હતા પરતું કોરોના કેસ વધતા પરીક્ષાઓ મોકૂફ રાખવામાં આવી હતી. પરતું GPSCની પરીક્ષાની તૈયારી કરતા લોકો માટે સારા સમાચાર આવ્યા છે.