દિલ્હીમાં આજે રાહુલ ગાંધી સાથે ગુજરાત કોંગ્રેસની મોટી બેઠક યોજાઈ હતી જેમા મહત્વના નિર્ણયો લેવામાં આવ્યા. આ બેઠકમાં પ્રદેશ પ્રમુખ તરીકે શક્તિસિંહ ગોહિલનું નામ લગભગ નક્કી કરી દેવામાં આવ્યું છે.
દિલ્હીમાં ગુજરાત કોંગ્રેસની મહત્વની બેઠક પૂર્ણ
રાહુલ ગાંધીએ હાર્દિક પટેલ અને જીગ્નેશ મેવાણી સાથે કરી બેઠક
પ્રદેશ પ્રમુખ તરીકે શક્તિસિંહ ગોહિલનું નામ નક્કી
દિલ્હીમાં આજે રાહુલ ગાંધી સાથે ગુજરાત કોંગ્રેસની મહત્વની બેઠક થઈ હતી. જેમા રાહુલ ગાંધીએ હાર્દિક પટેલ તેમજ જીગ્નેશ મેવાણી સાથે બેઠક કરી આ બેઠકમાં મહત્વના નિર્ણયો લેવામાં આવ્યા છે. સાથેજ ગુજરાત વિધાનસભા ચૂંટણીને લઈને પણ અલગથી રણનીતિ ઘડવામાં આવી છે.
હાર્દિક પટેલ કેમ્પેઈન કમીટીના ચેરમેન
આ બેઠકમાં હાર્દિક પટેલને કેમ્પેઈન કમીટીના ચેરમેન બનાવાનો નિર્ણય લેવામાં આવ્યો છે. સાથેજ ગુજરાત કોંગ્રેસના પ્રદેશ પ્રમુખને લઈને પણ ખાસ ચર્ચા કરવામાં આવી હતી. આપને જણાવી દઈએ કે શક્તિસિંહ ગોહિલનું નામ પ્રદેશ પ્રમુખ તરીકે લગભગ નક્કી છે. આગામી 2 થી 3 દિવસમાં તેનો અંતિમ નિર્ણય લેવામાં આવશે.
2 થી 3 દિવસમાં પ્રદેશ પ્રમુખને લઈને નિર્ણય લેવાશે
ચૂંટણીને લઈને દરેક પાર્ટી દ્વારા પૂરજોશમાં તૈયારીઓ કરવામાં આવી રહી છે. ત્યારે ગુજરાત કોંગ્રેસ પણ હાલ એકશન મોડમાં જોવા મળી રહ્યું છે. અગામી 2 થી 3 દિવસોમાં પ્રદેશ પ્રમુખને લઈને નિર્ણય કરવામાં આવશે. આજે જે બેઠક યોજાઈ હતી તેમા જીગ્નેશ મેવાણીએ કોંગ્રેસની સ્થીતીને લઈને લોકોને અવગત કર્યા હતા.
હાર્દિક પટેલે પ્રમુખ પદ વિડ્રોહ કર્યું
આ બેઠકમાં સૌથી ઉલ્લેખનીય વાત એ છે કે હાર્દિક પટેલે પ્રમુખ પદ વિડ્રો કર્યું છે. તો સાથેજ બીજી તરફ રાહુલ ગાંધી એવું કહ્યું કે ગુજરાત કોંગ્રેસનો કાર્યકર્તા મજબૂત છે. ઉપરાંત આ બેઠકમાં રાહુલ ગાંધીએ સીનયર નેતાઓનો ઉઘડો પણ લીધો હતો તેવી માહિતી સામે આવી છે.