ચુકાદો / પતિ બળજબરીથી પત્ની સાથે શરીર સંબંધ બાંધે તો તેને દુષ્કર્મ ન કહેવાય, જુઓ કઈ કોર્ટે આપ્યો આ ચુકાદો

• મુંબઈ સિટી એડિશનલ કોર્ટનો મહત્વનો ચુકાદો 
• મહિલાએ પતિ સામે નોંધાવી હતી દુષ્કર્મની ફરિયાદ 
• કોર્ટે કહ્યું પતિ શરીર સંબંધ બાંધે તેને દુષ્કર્મ ન ગણાય 

પત્ની સાથે બળજબરી પૂર્વક શારીરિક સંબંધ બાંધવાને લઈને 7 દિવસની અંદર દેશની અલગ અલગ અદાલતોએ જુદા જુદા ચુકાદાઓ આપ્યા છે. ગત 6 ઓગસ્ટે કેરળ હાઈકોર્ટ દ્વારા એવું કહેવામાં આવ્યું હતું કે પત્ની સાથે દુષ્કર્મ એક ક્રુરતા છે. જેને લઈને પત્ની છૂટાછેડાની માગ પણ કરી શકે છે. 

મહિલાએ સેશન્સ કોર્ટમાં અરજી કરી હતી 

જોકે આજે મુંબઈની સિટી એડિશનલસ સેશન કોર્ટે કહ્યું કે પત્ની સાથે ઈચ્છા વગર શારીરિક સંબંઘો બાંધવા ગેરકાયદેસર ન કહી શકાય. મુંબઈની એક મહિલાએ સેશન કોર્ટમાં અરજી કરી હતી કે પતિ તેની સાથે બળજબરીથી શારીરિક સંબંધો બાંધે છે. જેના કારણે તેના કમર સુધી લકવો મારી ગયો છે. તેમ છતા તેનો પતિ નથી સમજતો. 

આગોતરા જામીનની અરજી મંજૂર

સાથેજ મહિલાએ તેના પતિ અને સાસરીયાઓ સામે દહેજનો કેસ પણ કર્યો હતો. સમગ્ર મામવે પતિ અને સાસરીયાઓએ એવી દલીલ કરી હતી કે પત્ની દ્વારા ખોટા આક્ષેપો લગાવામાં આવ્યા છે. જેથી તેમણે આગોતરા જામીન માટે અરજી કરી હતી. જે અરજી કોર્ટ દ્વારા મંજૂર કરી દેવામાં આવી. 

આરોપો કાયદાકીય દાયરામાં ન હતા 

આગોતરા જામીનની સુનાવણીને લઈને જજે કહ્યું કે મહિલાએ જે પણ આરોપો લગાવ્યા છે. તે કયદાકીય તપાસના દાયરામાં નથી આવતી. સાથેજ કોર્ટે કહ્યું કે જો પતિ પત્ની સાથે શારિરીક સુખ માણે તો તેને ગેરકાયદેસર ન કહી શકાય. કારણકે તેણે કોઈ અનૈતિક કામ નથી કર્યું.

દહેજના આરોપ સામે કોર્ટે મહિલાને કર્યા સવાલ 

કોર્ટમાં જજે એવું કહ્યું કે ભારતમાં વૈવાહિક દુષ્કર્મને અપરાધ માનવામાં નથી આવતો. જોકે મહિલાને લકવો થઈ ગયો તે બાબતને કોર્ટે ઘણી દુર્ભાગ્યપૂર્ ગણાવી. સાથેજ કોર્ટે કહ્યું કે આ મામલે સંપૂર્ણ પરિવારને દોષી ન માની શકાય.  ઉપરાંત કોર્ટે કહ્યું કે આ મામલે કસ્ટોડિયલ ઈંટરોગેશન પણ જરૂરી છે. સાથેજ કોર્ટે મહિલાને એવું પણ કહ્યું કે તમે દહેજના આરોપ લગાવ્યા પણ દહેજમાં શું શું માગ્યું તે તમે નથી જણાવ્યું. 

પતિને કારણે મહિલાને લકવો મારી ગયો 

ઉલ્લેખનીય છે કે પીડિતાનું કહેવું છે કે તેના લગ્ન નવેમ્બર 2020માં થયા હતા. લગ્નના એક મહિના પછીજ પતિએ બળજબરી પૂર્વક સંબંધ બાંધવાના શરૂ કર્યા હતા. જેથી જાન્યુઆરીમાં તેની તબિયત અચાનકથી બગડી હતી. ડૉક્ટરને જ્યારે તેણે બતાવ્યું તો ખબર પડી કે તેની કમરના નીચેના ભાગે લકવો મારી ગયો છે.